Connect with us

ព័ត៌មានអន្ដរជាតិ

ប្រជាជន អ៊ុយក្រែន ប្រដូចស្ថានភាពប្រទេសបច្ចុប្បន្នទៅនឹងគ្រោះឆ្នាំ ១៩៣០

បានផុស

នៅ

ប្រទេសអ៊ុយក្រែននៅថ្ងៃសៅរ៍នេះបានប្រារព្ធទិវាចងចាំ Holodomor ជាគ្រោះទុរ្ភិក្សដ៏ធំឆ្នាំ ១៩៣២ ដល់ឆ្នាំ ១៩៣៣ ដែលបានសម្លាប់មនុស្សរាប់លាននាក់នៅទូទាំងប្រទេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រវត្ដិវិទូខ្លះអះអាងថា មេដឹកនាំសូវៀត Joseph Stalin ជាអ្នករៀបចំឲ្យមានគ្រោះទុរ្ភិក្សនេះឡើយ ហើយប្រជាជនអ៊ុយក្រែនជាច្រើនបានប្រៀបធៀបសោកនាដកម្មនេះទៅនឹងសង្គ្រាមលុកលុយដែលកំពុងបន្តដោយកងកម្លាំងទីក្រុងមូស្គូ ។

ស្របពេលជាមួយគ្នានេះ អង្គការឯកជនអ៊ុយក្រែនមួយចំនួនបានស្ទង់មតិលើមនុស្សចំនួន ១,០០០ នាក់ក្នុងខែវិច្ឆិកានេះ ដោយសួរថាតើពួកគេគិតថា គ្រោះទុរ្ភិក្ស Holodomor គឺជាអំពើប្រល័យពូជសាសន៍ឬ? ក្នុងនោះ ៩៣ ភាគរយឆ្លើយថា ប្រាកដណាស់ ។

គួរបញ្ជាក់ថា គ្រោះទុរ្ភិក្សអ៊ុយក្រែន Holodomor កាលពីឆ្នាំ ១៩៣២-៣៣ បានបង្កឲ្យមនុស្សចន្លោះពី ៣ លាន ៥សែននាក់ទៅ ១០ លាននាក់ត្រូវបាត់បង់ជីវិត និងជួបភាពអត់ឃ្លានយ៉ាងអាសូរពន់ពេក ។

ដោយឡែកពាក់ព័ន្ធនឹងសង្គ្រាមលុកលុយរបស់រុស្ស៊ីលើអ៊ុយក្រែនវិញ, ស្ថាប័នអង្គការសហប្រជាជាតិដែលលើកកម្ពស់សិទ្ធិមនុស្សបានប្រកាសថា ជនស៊ីវិលជាង ៧០ នាក់ត្រូវបានសម្លាប់ ចាប់តាំងពីប្រទេសរុស្ស៊ីបានបង្កើនការវាយប្រហារដោយមីស៊ីលរបស់ខ្លួនទៅលើហេដ្ឋារចនាសម្ព័ន្ធអ៊ុយក្រែន ។

បន្ថែមពីនេះ ការិយាល័យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្សបាននិយាយកាលពីថ្ងៃសុក្រថា ជនស៊ីវិលយ៉ាងតិច ៧៧ នាក់បានស្លាប់ និង ២៧២ នាក់ផ្សេងទៀតបានរងរបួស ចាប់តាំងពីថ្ងៃទី១០ ខែតុលាមក ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី ថា គ្មានអ្វីត្រូវសង្ស័យទេ ប្រតិបត្តិការយោធារនៅ អ៊ុយក្រែន នឹងបញ្ចប់​ដោយជោគជ័យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម