រុស្ស៊ី ថា គ្មានអ្វីត្រូវសង្ស័យទេ ប្រតិបត្តិការយោធារនៅ អ៊ុយក្រែន នឹងបញ្ចប់​ដោយជោគជ័យ

បើតាមអ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានកាលពីពេលថ្មីៗនេះថា “គ្មានអ្វីសង្ស័យទេ ប្រតិបត្តិការយោធាពិសេសរបស់រុស្ស៊ីនៅអ៊ុយក្រែន នឹងបញ្ចប់ដោយជោគជ័យ” ។

ការអះអាងរបស់អ្នកនាំពាក្យវិមានក្រឹមឡាំងរូបនេះបានកើតឡើង បន្ទាប់ពីអនុប្រធានក្រុមប្រឹក្សាសន្តិសុខជាតិរុស្ស៊ី លោក Dmitry Medvedev បានលើកឡើងស្រដៀងគ្នានេះថា រុស្ស៊ីមិនខ្វះអាវុធប្រយុទ្ធនៅអ៊ុយក្រែននោះទេ ។

អតីតប្រធានាធិបតីរុស្ស៊ីរូបនេះបាននិយាយនៅលើបណ្ដាញ Telegram កាលពីថ្ងៃពុធថា “សត្រូវដែលគិតថា រុស្ស៊ីកំពុងអស់អាវុធប្រយុទ្ធ និងចាញ់សង្គ្រាមនៅអ៊ុយក្រែននោះ គឺខុសទាំងស្រុងហើយ កុំសង្ឃឹមឲ្យសោះ វាមិនដូច្នោះទេ ។

គួរបញ្ជាក់ថា កាលពីថ្ងៃទី២៤ ខែកុម្ភៈ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ។ បន្ទាប់មក លោកខាងលិច​បានដាក់​ទណ្ឌកម្ម​យ៉ាង​ខ្លាំងក្លា​ប្រឆាំង​រុស្ស៊ី និង​បង្កើន​ការផ្គត់ផ្គង់​សព្វាវុធ​ដល់​រដ្ឋាភិបាលទីក្រុងកៀវ ដែល​មានតម្លៃ​រាប់សិប​ពាន់​លាន​ដុល្លារ​ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ លោក ពូទីន ហៅម្តាយទាហានរុស្ស៊ីមកប្រជុំ ព្រោះចង់ដឹងរឿង ៣យ៉ាង