Connect with us

ព័ត៌មានអន្ដរជាតិ

ក្រុម ISIS ប្រកាសពីការស្លាប់មេដឹកនាំ របស់ខ្លួន (មានវីដេអូ)

បានផុស

នៅ

ក្រុមជ្រុលនិយម ISIS បាននិយាយកាលពីថ្ងៃពុធទី៣០ខែវិច្ឆិកាថា មេដឹកនាំរបស់ខ្លួនឈ្មោះ Abu Hasan al-Hashimi al-Qurashi ត្រូវបានសម្លាប់នៅក្នុងសមរភូមិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរបស់ក្រុម ISIS និយាយថា “លោក Hashimi ជាជនជាតិអ៊ីរ៉ាក់ ត្រូវបានសម្លាប់ នៅក្នុងការប្រយុទ្ធជាមួយសត្រូវរបស់ព្រះ”។

ទោះបីជាយ៉ាងណាក៏ដោយ អ្នកនាំពាក្យរូបនេះ មិនបានបញ្ជាក់លម្អិតអំពីកាលបរិច្ឆេទ ឬកាលៈទេសៈនៃការស្លាប់របស់គាត់នោះទេ។

ថ្លែងនៅក្នុងសារជាសំឡេង អ្នកនាំពាក្យបានប្រកាសថា មេដឹកនាំថ្មីរបស់ក្រុមនេះ ដែលនឹងត្រូវឡើងតំណែងជំនួស Hashimi គឺមានឈ្មោះ Abu al-Hussein al-Husseini al-Qurashi។

បន្ទាប់ពីការកើនឡើងឥទ្ធិពលនៅក្នុងប្រទេសអ៊ីរ៉ាក់ និងស៊ីរីកាលពីឆ្នាំ២០១៤ ដែលធ្វើឲ្យខ្លួនដណ្តើមយកទឹកដីដ៏ច្រើនសន្ធឹកសន្ធាប់នោះ, រដ្ឋកាលីហ្វដែលប្រកាសខ្លួនឯងរបស់ក្រុមនេះ ត្រូវដួលរលំវិញដោយសាររលកនៃការវាយលុកជាបន្តបន្ទាប់។

ក្រុមនេះត្រូវបានកម្ចាត់នៅប្រទេសអ៊ីរ៉ាក់ក្នុងឆ្នាំ២០១៧ និងនៅក្នុងប្រទេសស៊ីរីនាពីរឆ្នាំក្រោយមក ប៉ុន្តែសមាជិករបស់ក្រុមជ្រុលនិយមមូស្លីមនិកាយស៊ុននី នៅតែបើកការវាយប្រហារនៅក្នុងប្រទេសទាំងពីរ និងអះអាងការវាយប្រហារនៅកន្លែងផ្សេងទៀតលើពិភពលោក។

មេដឹកនាំមុនរបស់ ISIS លោក Abu Ibrahim al-Qurashi ត្រូវបានសម្លាប់កាលពីដើមឆ្នាំនេះ ក្នុងការវាយឆ្មក់របស់សហរដ្ឋអាមេរិកនៅខេត្ត Idlib ភាគខាងជើងប្រទេសស៊ីរី។ អ្នកកាន់តំណែងមុនគាត់ឈ្មោះ Abu Bakr al-Baghdadi ក៏ត្រូវបានសម្លាប់ផងដែរក្នុងខេត្ត Idlib ផងដែរកាលពីខែតុលាឆ្នាំ២០១៩៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Alarabiya

ចុចអាន៖ ជនបំផ្ទុះគ្រាប់បែកអត្តឃាតក្រុម ISIS ធ្វើដំណើរទៅវាយប្រហារនៅ ឥណ្ឌា តែត្រូវស្ទាក់ចាប់ទាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១៥ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ៣២ នាទី មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ១ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម