ព័ត៌មានអន្ដរជាតិ
ឥណ្ឌា បាញ់មីស៊ីល កំញើញ ចិន ចំពេលមានភាពតានតឹង (មានវីដេអូ)
ប្រទេសឥណ្ឌា បានបាញ់សាកល្បងដោយជោគជ័យនូវមីស៊ីលដែលមានសមត្ថភាពនុយក្លេអ៊ែររយៈចម្ងាយឆ្ងាយ ខណៈទីក្រុងញូវដែលី មានបំណងបង្កើនសមត្ថភាពការពារខ្លួន ចំពេលមានភាពតានតឹងតាមព្រំដែនជាមួយប្រទេសចិន។
រដ្ឋមន្ត្រីក្រសួងកិច្ចការសភា លោក Pralhad Joshi បាននិយាយថា មីស៊ីលផ្លោងអន្តរទ្វីប Agni-V ត្រូវបានបាញ់កាលពីថ្ងៃព្រហស្បតិ៍ទី១៥ខែធ្នូ ចេញពីកោះ Abdul Kalam ក្នុងរដ្ឋ Odisha ភាគខាងកើត។
លោក Joshi បានសរសេរលើ Twitter ថា “មីស៊ីលដែលមានរយៈចម្ងាយ៥៤០០គីឡូម៉ែត្រមួយនេះ នឹងបន្ថែមតម្លៃដ៏អស្ចារ្យដល់វិស័យការពារជាតិ និងពង្រឹងសន្តិសុខជាតិក្នុងកម្រិតកាន់តែខ្លាំងមួយ”។
ស្របពេលជាមួយគ្នានោះ សារព័ត៌មានឥណ្ឌាបានចុះផ្សាយថា មុនការធ្វើតេស្តនេះ អាជ្ញាធរឥណ្ឌាបានចេញសេចក្តីជូនដំណឹងមួយ និងបានប្រកាសឆ្នេរសមុទ្រ Bengal ជាតំបន់គ្មានការហោះហើរ។ ប្រភពដដែលបន្ថែមថា រយៈចម្ងាយរបស់មីស៊ីលនេះ គឺគ្របដណ្តប់ចិនដីគោកស្ទើតែទាំងមូល។
ភាពតានតឹងថ្មីៗបានកើតឡើងរវាងឥណ្ឌា និងចិន បន្ទាប់ពីការប៉ះទង្គិចគ្នារវាងទាហានកងទ័ពទាំងពីរ កាលពីថ្ងៃទី០៩ខែធ្នូនៅតាមព្រំដែនជម្លោះក្នុងរដ្ឋ Arunachal Pradesh។
រដ្ឋមន្ត្រីការពារជាតិឥណ្ឌា លោក Rajnath Singh បាននិយាយថា គ្មានទាហានឥណ្ឌាណាម្នាក់រងរបួសធ្ងន់ធ្ងរនោះទេ ហើយកងទ័ពទាំងសងខាងបានដកចេញពីតំបន់នោះភ្លាមៗ។
ទំនាក់ទំនងរវាងប្រទេសអាស៊ីទាំងពីរកាន់តែយ៉ាប់យ៉ឺន បន្ទាប់ពីមានការប៉ះទង្គិចគ្នានៅតាមព្រំដែនក្នុងឆ្នាំ២០២០ ដែលកាលនោះទាហានឥណ្ឌាចំនួន២០នាក់ត្រូវបានសម្លាប់។ ក្រោយមក ប្រទេសចិនបានទទួលស្គាល់ថា ទាហានរបស់ខ្លួនបួននាក់ក៏ត្រូវបានសម្លាប់ផងដែរ នៅក្នុងការប៉ះទង្គិចគ្នានៅតាមព្រំដែនដ៏សាហាវបំផុត នារយៈពេលជាច្រើនទសវត្សរ៍មកនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera
ចុចអាន៖ កងទ័ពចិននិងឥណ្ឌា ប៉ះទង្គិចគ្នាមួយប្រ៉ាវនៅព្រំដែន មានរបួសទាំងសងខាង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង