កងទ័ពចិននិងឥណ្ឌា ប៉ះទង្គិចគ្នាមួយប្រ៉ាវនៅព្រំដែន មានរបួសទាំងសងខាង (មានវីដេអូ)

កងទ័ពឥណ្ឌាបាននិយាយកាលពីថ្ងៃចន្ទទី១២ខែធ្នូថា ទាហានឥណ្ឌា និងចិន បានរងរបួសស្រាលក្នុងការប៉ះទង្គិចគ្នាកាលពីថ្ងៃទី៩ខែធ្នូនៅតំបន់ Tawang នៃរដ្ឋ Arunachal Pradesh របស់ប្រទេសឥណ្ឌា ដែលនោះជាឧបទ្ទវហេតុលើកដំបូង ចាប់តាំងពីការប៉ះទង្គិចគ្នាដ៏សាហាវរវាងអ្នកជិតខាងទាំងពីរ កាលពីខែមិថុនាឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋ Arunachal Pradesh ស្ថិតនៅជាយភាគខាងកើតនៃប្រទេសឥណ្ឌា ហើយមានព្រំប្រទល់ជាប់ជាមួយប្រទេសចិន។

កង​ទ័ព​​ឥណ្ឌានិយាយ​ថា “ភ្លាមៗ ភាគី​ទាំង​ពីរ​បាន​បំបែកគ្នាចេញ​ពី​តំបន់​នោះ”​។ បន្ទាប់ពីឧបទ្ទវហេតុនោះ មេបញ្ជាការរបស់ខ្លួននៅក្នុងតំបន់ បានជួបជាមួយសមភាគីចិន ដើម្បីពិភាក្សាអំពីបញ្ហានេះ។

ទោះបីជាយ៉ាងណាក៏ដោយ អ្នកនាំពាក្យក្រសួងការបរទេសឥណ្ឌា មិនបានឆ្លើយតបនឹងសំណើសុំការអត្ថាធិប្បាយទេ ខណៈអ្នកនាំពាក្យក្រសួងការពារជាតិ បានបដិសេធធ្វើអត្ថាធិប្បាយលើចំនួនទាហានរបួសទាំងសងខាងក្នុងអំឡុងពេលប៉ះទង្គិចគ្នា។

ទាំងក្រសួងការបរទេសចិន និងស្ថានទូតរបស់ខ្លួននៅទីក្រុងញូវដេលី ក៏មិនបានឆ្លើយតបទៅនឹងសំណើសុំការអត្ថាធិប្បាយដែរ។

គួរបញ្ជាក់ថា ព្រំដែនមិនកំណត់ប្រវែង ៣៨០០ គីឡូម៉ែត្រ រវាងប្រទេសយក្សអាស៊ីទាំង២ បានរក្សាសន្តិភាពយ៉ាងទូលំទូលាយ ចាប់តាំងពីមានសង្រ្គាមឆ្នាំ១៩៦២ មុនការប៉ះទង្គិចគ្នាកាលពី២ឆ្នាំមុន ដែលធ្វើឲ្យទំនាក់ទំនងធ្លាក់ចុះ។

ក្នុងខែមិថុនា ឆ្នាំ២០២០ កងទ័ពឥណ្ឌា និងចិន បានប្រយុទ្ធគ្នាដៃទល់នឹងដៃ នៅជ្រលងភ្នំ Galwan នៃតំបន់ Ladakh។ ឧបទ្ទវហេតុ​នោះ បាន​បណ្តាល​ឲ្យ​ទាហាន​ឥណ្ឌា​ស្លាប់​២០​នាក់ ខណៈ​ចិនមិនបញ្ចេញតួលេខ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Straits Times

ចុចអាន៖ អាមេរិក ងាកទៅបញ្ចុះបញ្ចូល ឥណ្ឌា ចំពេលតានតឹងជាមួយ ចិន