លោក ពូទីន ដាក់ចេញ គោលដៅនយោបាយដ៏សំខាន់មួយ (មានវីដេអូ)

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃអាទិត្យទី២៥ខែធ្នូថា ទីក្រុងមូស្គូ កំពុងព្យាយាមនាំប្រជាជនរុស្ស៊ីមករួបរួមគ្នា ដែលផ្ទុយពីលោកខាងលិច ដែលតែងតែព្យាយាមបំបែកប្រទេសនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់ប៉ុស្តិ៍ទូរទស្សន៍ Rossiya 1, មេដឹកនាំរុស្ស៊ីរូបនេះ បានចង្អុលបង្ហាញថា ទោះបីជាទីក្រុងមូស្គូព្យាយាមដោះស្រាយជម្លោះដែលកំពុងកើតមានទាំងអស់ជាមួយលោកខាងលិចដោយសន្តិវិធីក៏ដោយ ក៏សមភាគីមួយចំនួននៅលើឆាកពិភពលោក តែងតែមានផែនការផ្សេងទៀត។

យោងតាមលោកពូទីន, វិបត្តិអ៊ុយក្រែនគឺជាលទ្ធផលនៃគោលនយោបាយរបស់ “គូប្រជែងភូមិសាស្ត្រនយោបាយ” របស់ទីក្រុងមូស្គូ ដែលព្យាយាមបំបែកប្រទេសរុស្ស៊ី។

លោកប្រធានាធិបតីបានបញ្ជាក់ថា លោកមិនជឿនោះទេថា ទីក្រុងមូស្គូបានដើរជិតដល់បន្ទាត់ក្រហម ចំពេលមានជម្លោះជាមួយក្រុងកៀវ និងការប្រឈមមុខដាក់គ្នាជាមួយលោកខាងលិច។

លោកនិយាយថា “ខ្ញុំ​គិត​ថា វា​មិន​មាន​គ្រោះ​ថ្នាក់អ្វី​ឡើយ។ ខ្ញុំជឿថា យើងកំពុងធ្វើដំណើរក្នុងទិសដៅដ៏ត្រឹមត្រូវ យើងកំពុងការពារផលប្រយោជន៍ជាតិរបស់យើង ផលប្រយោជន៍របស់ប្រជាពលរដ្ឋយើង។ រុស្ស៊ីនៅតែត្រៀមខ្លួន ដើម្បីពិភាក្សាអំពីដំណោះស្រាយដែលអាចទទួលយកបាន ជាមួយអ្នកចូលរួមទាំងអស់នៅក្នុងដំណើរការនេះ។ ទោះ​ជា​យ៉ាង​ណា ពួកគេ​តែងតែ​បដិសេធ​ការ​ចរចា មិន​មែន​យើង​ទេ”។

កាលពីដើមសប្តាហ៍នេះ លោក ពូទីន បានឲ្យដឹងថា ទីក្រុងមូស្គូ កំពុងប្រឈមមុខនឹងសក្តានុពលយោធាស្ទើរតែទាំងអស់ពីសំណាក់អង្គការណាតូ នៅក្នុងជម្លោះដែលកំពុងបន្តនៅអ៊ុយក្រែន។ អស់រយៈពេលជាច្រើនសតវត្សរ៍មកហើយ គូប្រជែងជាយុទ្ធសាស្ត្ររបស់រុស្ស៊ី បានព្យាយាមកាត់បន្ថយនិង បំបែករុស្ស៊ី ពីព្រោះពួកគេជឿថា ប្រទេសនេះធំពេក ហើយបង្កការគំរាមកំហែង។

ទោះបីជាមានការប្រយុទ្ធគ្នាជាបន្តបន្ទាប់រវាងទីក្រុងមូស្គូ និងកៀវក៏ដោយ លោកបានចាត់ទុកជនជាតិអ៊ុយក្រែនថាជា ប្រជាជនបងប្អូន។ លោកចង្អុលបង្ហាញថា​ “អ្វីគ្រប់យ៉ាងដែលកំពុងកើតឡើងគឺជាសោកនាដកម្មមួយ។ សោកនាដកម្មរួមរបស់យើង។ ប៉ុន្តែវាមិនមែនជាលទ្ធផលនៃគោលនយោបាយរបស់យើងទេ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី ព្រមាន កាត់ បន្ថយ ផលិតកម្ម ប្រេង