ព័ត៌មានអន្ដរជាតិ
រុស្ស៊ី បាញ់ស្រោចមីស៊ីលជាង ១២០ គ្រាប់លើ អ៊ុយក្រែន
លោក Mykhailo Podolyak ជំនួយការកំពូលរបស់ប្រធានាធិបតីអ៊ុយក្រែនបាននិយាយកាលពីថ្ងៃព្រហស្បតិ៍ថា រុស្ស៊ីបានបាញ់មីស៊ីលជាង ១២០ គ្រាប់លើប្រទេសនេះ ចំពេលមានការវាយឆ្មក់តាមអាកាសនៅទូទាំងប្រទេស ។
លោក Podolyak បានសរសេរនៅលើបណ្ដាញ Twitter ថា “រុស្ស៊ីបានបាញ់កាំជ្រួចមីស៊ីលច្រើនជាង ១២០ គ្រាប់មកលើអ៊ុយក្រែន ហើយបានបំផ្លាញហេដ្ឋារចនាសម្ព័ន្ធសំខាន់ៗ និងសម្លាប់ជនស៊ីវិលយ៉ាងច្រើនផងដែរ” ។
ជំនួយការប្រធានាធិបតីរូបនេះបញ្ជាក់ទៀតថា “យើងកំពុងរង់ចាំសំណើបន្ថែមពីអ្នករក្សាសន្តិភាពអំពីការតាំងទីលំនៅដោយសន្តិភាព ក៏ដូចជាការធានាសុវត្ថិភាពសម្រាប់ប្រទេសរបស់យើងពីការបង្កហេតុទាំងអស់ បន្ទាប់ពីការបាញ់ស្រោចមីស៊ីលឥតឈប់ឈរនេះ” ។
ទន្ទឹមនោះ ក្រៅពីទីក្រុងកៀវ ក៏មានទីក្រុងផ្សេងៗទៀតផងដែរដូចជា ទីក្រុង Odesa, ទីក្រុង Lviv, ទីក្រុង Kharkiv, ទីក្រុង Zhytomyr, ទីក្រុង Mykolaiv និងទីក្រុង Kryvyi Rih បានរាយការណ៍ពីការផ្ទុះ ក្រោយការបាញ់ស្រោចមីស៊ីលនេះ ។
ការជូនដំណឹងអំពីការវាយឆ្មក់តាមអាកាសបានបន្លឺឡើងក្នុងប្រទេសអ៊ុយក្រែនស្ទើរតែជារៀងរាល់ថ្ងៃ ដោយសារតែការវាយប្រហារដោយមីស៊ីល និងយន្តហោះគ្មានមនុស្សបើក (ដ្រូន) ដែលបានកំណត់គោលដៅទៅលើហេដ្ឋារចនាសម្ព័ន្ធស៊ីវិល និងថាមពលរបស់ប្រទេស ។ ការវាយប្រហារបែបនេះបានកើនឡើងយ៉ាងខ្លាំង បន្ទាប់ពីការបំផ្ទុះបំផ្លាញស្ពាន Kerch ដ៏សំខាន់របស់រុស្ស៊ីទៅកាន់ឧបទ្វីបគ្រីមៀរកាលពីខែតុលា ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង