ព័ត៌មានអន្ដរជាតិ
អ្នកការទូតកំពូលរបស់ចិន អំពាវនាវឲ្យមាន ការសន្ទនា និងកិច្ចសហប្រតិបត្តិការជាមួយ អាមេរិក
ចិន និងសហរដ្ឋអាមេរិក ត្រូវតែបន្តកិច្ចសន្ទនាជាជាងការប្រឈមមុខដាក់គ្នា និងចៀសវាងកំហុសឆ្គងដែលបានសាងក្នុងអំឡុងសង្គ្រាមត្រជាក់។ នេះបើតាមសម្តីអ្នកការទូតកំពូលរបស់ចិនគឺលោក Wang Yi នៅថ្ងៃអាទិត្យទី០១ខែមករា ក្នុងការនិយាយជាសាធារណៈលើកដំបូង ចាប់តាំងពីគាត់ ត្រូវបានតែងតាំងជាប្រមុខ ការិយាល័យកិច្ចការបរទេសរបស់គណបក្សកុម្មុយនិស្តដែលកំពុងកាន់អំណាច។
លោក Wang ត្រូវបានជំនួសតំណែងជារដ្ឋមន្ត្រីការបរទេស កាលពីថ្ងៃសុក្រដោយអតីតឯកអគ្គរដ្ឋទូតប្រចាំសហរដ្ឋអាមេរិកលោក Qin Gang ប៉ុន្តែលោកត្រូវបានគេរំពឹងយ៉ាងខ្លាំងថា នឹងទទួលបានតួនាទីដ៏លេចធ្លោនៅក្នុងគោលនយោបាយការបរទេស បន្ទាប់ពីការឡើងឋានៈក្នុងខែតុលា ទៅកាន់ការិយាល័យនយោបាយរបស់គណបក្សកុម្មុយនិស្ត ដែលជាស្ថាប័នធ្វើការសម្រេចចិត្តកំពូលរបស់ប្រទេស។
នៅក្នុងអត្ថបទ “ស្វែងរកការពិត” ដែលចេញផ្សាយដោយកាសែតផ្លូវការរបស់បក្ស លោក Wang បានជំរុញឲ្យប្រទេសធំៗ ធ្វើជាគំរូ ពេលមានការប្រឈមមុខនឹងបញ្ហានានា។ លោកនិយាយបែបនេះ ដោយលើកឡើងពីកិច្ចសហប្រតិបត្តិការរឹងមាំរវាងចិនជាមួយរុស្ស៊ីក្នុងឆ្នាំ២០២២។
លោកសរសេរថា “ក្នុងរយៈពេលមួយឆ្នាំកន្លងមកនេះ យើងបានរិះរកវិធីត្រឹមត្រូវសម្រាប់ប្រទេសធំទាំងពីរគឺ ចិន និងសហរដ្ឋអាមេរិក ក្នុងការចុះសម្រុងគ្នា។ ប្រទេសទាំងពីរគួរតែបង្កើតវិធីនៃការចុះសម្រុងគ្នា ជាមួយនឹងការគោរពគ្នាទៅវិញទៅមក ការរួមរស់ដោយសន្តិភាព និងកិច្ចសហប្រតិបត្តិការឈ្នះ-ឈ្នះ ហើយនាំទំនាក់ទំនងចិន-អាមេរិក ត្រឡប់មកវិញនៅលើផ្លូវដ៏ត្រឹមត្រូវនៃសុខភាព និងស្ថិរភាព”។
អាណត្តិរបស់លោក Wang ជារដ្ឋមន្ត្រីការបរទេស បានជួបប្រទះការកើនឡើងភាពតានតឹងខ្លាំងក្លារវាងទីក្រុងប៉េកាំង និងវ៉ាស៊ីនតោន លើបញ្ហាជាច្រើន រាប់ចាប់ពីពាណិជ្ជកម្មរហូតដល់កោះតៃវ៉ាន់៕
ប្រែសម្រួល៖ Vann Vann
ប្រភព៖ CNA
ចុចអាន៖ ចិន តែងតាំង រដ្ឋមន្ត្រីការបរទេសថ្មី ជំនួសលោក Wang Yi
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង