ព័ត៌មានអន្ដរជាតិ
លោក គីម ជុងអ៊ុន បណ្តេញសេនាប្រមុខ ចេញពីតំណែង
ប្រទេសកូរ៉េខាងជើង បានបញ្ចប់តំណែងលោក Pak Jong Chon ដែលជាមន្ត្រីយោធាដ៏មានឥទ្ធិពលលំដាប់ទីពីរបន្ទាប់ពីមេដឹកនាំ គីម ជុងអ៊ុន។
ទីភ្នាក់ងារសារព័ត៌មាន KCNA បានរាយការណ៍កាលពីថ្ងៃអាទិត្យទី០១ខែមករាថា លោក Pak ដែលជាអនុប្រធានគណៈកម្មាធិការយោធាមជ្ឈិមនៃគណបក្សពលករកំពុងកាន់អំណាច និងជាលេខានៃគណៈកម្មាធិការមជ្ឈិមបក្ស ត្រូវបានជំនួសតំណែងដោយលោក Ri Yong Gil នៅក្នុងកិច្ចប្រជុំប្រចាំឆ្នាំ របស់គណៈកម្មាធិការនេះកាលពីសប្តាហ៍មុន។
ទោះបីជាយ៉ាងណាក៏ដោយ គេមិនដឹងហេតុផលសម្រាប់ការផ្លាស់ប្តូរនេះទេ ថ្វីបើទីក្រុងព្យុងយ៉ាង តែងតែធ្វើការរុះរើថ្នាក់ដឹកនាំរបស់ខ្លួនជាប្រចាំក៏ដោយ។
គណៈកម្មាធិការយោធាមជ្ឈិមបក្ស ដែលដឹកនាំដោយលោក គីម ត្រូវបានគេចាត់ទុកថា ជាស្ថាប័នធ្វើការសម្រេចចិត្តផ្នែកយោធាដ៏មានឥទ្ធិពលបំផុតរបស់ប្រទេសនេះ ពោលគឺខ្លាំងជាងក្រសួងការពារជាតិទៅទៀត។
ការជំនួសតំណែងលោក Pak បានកើតឡើងចំពេលលោក គីម អំពាវនាវឲ្យមានការអភិវឌ្ឍមីស៊ីលផ្លោងអន្តរទ្វីបថ្មី និងឃ្លាំងអាវុធនុយក្លេអ៊ែរកាន់តែធំ ដើម្បីប្រឆាំងសហរដ្ឋអាមេរិក និងកូរ៉េខាងត្បូង ដែលជាគន្លឹះនៃយុទ្ធសាស្ត្រការពារជាតិប្រចាំឆ្នាំ២០២៣។
គួរបញ្ជាក់ថា លោក Pak បានឡើងឋានៈយ៉ាងឆាប់រហ័សពីមេបញ្ជាការកងកាំភ្លើងធំផ្កាយមួយក្នុងឆ្នាំ២០១៥ ទៅជាឧត្តមសេនីយ៍ផ្កាយបួនក្នុងឆ្នាំ២០២០ ដោយទទួលបានកិត្តិយសសម្រាប់ការរួមចំណែកដល់វឌ្ឍនភាពក្នុងបច្ចេកវិទ្យាមីស៊ីលរយៈចម្ងាយខ្លីរបស់ប្រទេស។
នៅចុងឆ្នាំ២០២០ លោក Pak ត្រូវបានដំឡើងឋានៈទៅកាន់ការិយាល័យនយោបាយ និងទទួលបានងារជាសេនាប្រមុខ ដែលជាឋានៈយោធាខ្ពស់បំផុតក្រោមការដឹកនាំរបស់លោក គីម ហើយបានក្លាយជាសំឡេងនាំមុខគេកាលពីខែវិច្ឆិកាឆ្នាំមុន ប្រឆាំងនឹងសមយុទ្ធយោធារួមគ្នារវាងកូរ៉េខាងត្បូង និងសហរដ្ឋអាមេរិក៕
ប្រែសម្រួល៖ Vann Vann
ប្រភព៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង