ព័ត៌មានអន្ដរជាតិ
របាយការណ៍ ៖ ២០២២ ជាឆ្នាំដែលប៉ូលិស អាមេរិក សម្លាប់មនុស្សច្រើនបំផុត
យោងតាមរបាយការណ៍របស់អង្គការមិនរកប្រាក់ចំណេញ Mapping Police Violence បានឲ្យដឹងថា គ្រាន់តែក្នុងឆ្នាំ ២០២២ ប៉ូលិសនៅសហរដ្ឋអាមេរិកបានសម្លាប់មនុស្សប្រមាណ ១,១៧៦ នាក់ ដែលនេះជាចំនួនមនុស្សស្លាប់ច្រើនបំផុតក្នុងកំណត់ត្រា ។
របាយការណ៍ពីក្រុមដែលមានជាប់ទាក់ទងទៅនឹងចលនា Black Lives Matter មួយនេះបានឲ្យដឹងទៀតថា ដំបូងឡើយមានតែចំនួន ១,១៤៥ នាក់ប៉ុណ្ណោះ ប៉ុន្តែចំនួននេះបានកើនឡើង គឺដោយសារតែប៉ូលិសអាមេរិកអនុវត្តគោលការណ៍ផ្សេងៗគ្នាដូចជា បាញ់សម្លាប់ ការធ្វើទារុណកម្ម ការវាយដំ និងចាប់បង្ខាំងមនុស្សចំនួន ៣១ នាក់បន្ថែមទៀតកាលពីឆ្នាំមុន ។
ចំពោះចំនួននេះ បើធៀបនឹងឆ្នាំ ២០២១ វាបានក្លាយជាតួលេខប្រចាំឆ្នាំខ្ពស់បំផុត ចាប់តាំងពីអង្គការក្រៅរដ្ឋាភិបាលមួយនេះបានចាប់ផ្តើមតាមដានស្ថិតិបែបនេះក្នុងឆ្នាំ ២០១៣ ។ ដោយឡែកក្នុងឆ្នាំ ២០១៩ វិញមនុស្សប្រមាណ ១,០៩៧ ត្រូវបានសម្លាប់ ហើយជនស៊ីវិល ១,១៤០ នាក់បានស្លាប់ក្នុងឆ្នាំ ២០១៨ ខណៈនៅឆ្នាំ ២០១៧ មានចំនួន ១,០៨៩ នាក់ ។
ស្ថិតិបានបង្ហាញទៀតថា មានត្រឹមតែ ១២ ថ្ងៃប៉ុណ្ណោះក្នុងឆ្នាំ ២០២២ ដែលមិនមានការសម្លាប់គ្នាកើតឡើង ហើយទិន្នន័យនេះ បើគិតជាមធ្យមមានមនុស្សច្រើនជាង ៣ នាក់ស្លាប់ក្នុងមួយថ្ងៃ ឬ ១០០ នាក់ជារៀងរាល់ខែ ខណៈប្រហែល ២៤ ភាគរយនៃអ្នកដែលត្រូវបានសម្លាប់ គឺជាជនជាតិស្បែកខ្មៅ បើទោះបីជាជនជាតិស្បែកខ្មៅមានត្រឹមតែ ១៣ ភាគរយនៃចំនួនប្រជាជនអាមេរិកក៏ដោយ ។
ចាប់តាំងពីពេលនោះមក បទល្មើសហិង្សានៅអាមេរិកបានកើនឡើងយ៉ាងខ្លាំងនៅក្នុងទីក្រុងមួយចំនួន បន្ទាប់ពីការតវ៉ា Black Lives Matter ឆ្នាំ ២០២០ ហើយក្រុមមន្រ្តីបានអះអាងថា កំណែទម្រង់យុត្តិធម៌ព្រហ្មទណ្ឌសេរីត្រូវបានអនុម័ត ជាពិសេសបន្ទាប់ពីប៉ូលិសបានសង្កត់ ក ជនជាតិស្បែកខ្មៅឈ្មោះ George Floyd រហូតដល់ស្លាប់ ។
ចំណែករបាយការណ៍របស់ប៉ូលិសជាតិ (FOP) វិញបានបង្ហាញថា មន្រ្តីសរុបចំនួន ៣២៣ នាក់ក៏ត្រូវបានបាញ់សម្លាប់ផងដែរនៅក្នុងជួរបំពេញកាតព្វកិច្ចនៅទូទាំងសហរដ្ឋអាមេរិកក្នុងឆ្នាំ ២០២២ ។ នៅទីក្រុង New Orleans ក្នុងរដ្ឋ Louisiana បានក្លាយជារដ្ឋធានីឃាតកម្មច្រើនបំផុតរបស់សហរដ្ឋអាមេរិកក្នុងឆ្នាំ ២០២២ ពោលមានចំនួន ២៨០ នាក់ ហើយចំនួននេះគឺច្រើនជាងទីក្រុង Chicago និង New York ទៅទៀត ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ អាមេរិក ថា បទឈប់បាញ់របស់លោក ពូទីន គឺរលាយដូចអំបិលត្រូវទឹក
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ