Connect with us

ព័ត៌មានអន្ដរជាតិ

ទីក្រុងត្រជាក់បំផុតលើលោក សីតុណ្ហភាពរដូវរងា ធ្លាក់ដល់ ដក៥០អង្សា (មានវីដេអូ)

បានផុស

នៅ

នៅកន្លែងខ្លះរដូវរងាគឺធម្មតា ប៉ុន្តែនៅក្នុងទីក្រុងត្រជាក់បំផុតរបស់ពិភពលោកគឺមិនធម្មតាឡើយ ដោយសីតុណ្ហភាពបានធ្លាក់ចុះដល់ ដក៥០អង្សាសេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីក្រុង Yakutsk នៅភាគខាងកើតតំបន់ស៊ីបេរី ត្រូវបានគេកំណត់ថាជាកន្លែងត្រជាក់បំផុតនៅលើពិភពលោក។ ខែមករាគឺជាខែដែលត្រជាក់បំផុត ហើយថ្វីបើពួកគេស៊ាំនឹងអាកាសធាតុត្រជាក់ក៏ដោយ ប៉ុន្តែប្រជាពលរដ្ឋក្នុងតំបន់ដាច់ស្រយាលនេះ នៅតែប្រុងប្រយ័ត្នបន្ថែមដើម្បីរក្សាកម្តៅ។

អ្នក​ស្រុក​ម្នាក់ ​បាន​ប្រាប់​រ៉យទ័រ​ថា “អ្នក​មិន​អាច​ប្រយុទ្ធ​នឹង​វា​បាន​ទេ។ អ្នកត្រូវរៀបចំ ​និង​ស្លៀកពាក់​ឲ្យសម​ស្រប បើមិនដូច្នោះទេ​អ្នកនឹង​រង​ទុក្ខ”។

នៅឆ្នាំ២០១៨ គឺជាពេលត្រជាក់ខ្លាំង ដែលអ្នកស្រុកខ្លះនិយាយថា សូម្បីតែរោមភ្នែករបស់ពួកគេ ក៏កកដែរ។

ដោយមានប្រជាជនរស់នៅតិចជាង១លាននាក់ រដូវរងានៅទីក្រុង Yakutsk អាចត្រជាក់ខ្លាំងមិនធម្មតា។

ប៉ុន្តែទីក្រុងនេះបានទាក់ទាញការចាប់អារម្មណ៍ពីអន្តរជាតិកាលពីខែកក្កដា នៅពេលអ័ព្ទពីភ្លើងឆេះព្រៃនៅក្បែរនោះ បានគ្របដណ្តប់ព្រៃឈើ ដោយធ្វើឲ្យតំបន់នេះមានផ្សែងយ៉ាងក្រាស់។

អ្នកវិទ្យាសាស្ត្របានសម្តែងការព្រួយបារម្ភយ៉ាងខ្លាំង អំពីការកើនឡើងនូវអត្រាភ្លើងឆេះ ដែលបង្កឡើងបម្រែបម្រួលអាកាសធាតុនៅតំបន់អាក់ទិកស៊ីបេរី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNN

ចុចអាន៖ សីតុណ្ហភាពនៅភាគខាងជើង វៀតណាម ចុះដល់ ០ អង្សាសេ ខណៈតំបន់ ខ្លះទៀតអាចធ្លាក់ទឹកកក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម