រដ្ឋាភិបាល ឈីលី បោះចោលគម្រោងរុករករ៉ែតម្លៃ ២.៥ ពាន់លានដុល្លារ

ដោយខ្លាចខូចខាតសក្កានុពលបរិស្ថាន និងសត្វព្រៃ, រដ្ឋមន្ត្រីក្រសួងបរិស្ថានប្រទេសឈីលីលោក Maisa Rojas បានសម្រេចជាឯកច្ឆន្ទប្រឆាំងនឹងគម្រោងរុករករ៉ែ Dominga និងកំពង់ផែសមុទ្រដែលមានតម្លៃ ២.៥ ពាន់លានដុល្លារនៅក្នុងតំបន់ Coquimbo ។

លោក Rojas និយាយថា គម្រោងមួយនេះ គឺមានការទាក់ទងទៅនឹងបញ្ហាសំខាន់ៗជាច្រើនដូចជា ជីវិតសមុទ្រ ការស្រាវជ្រាវតំបន់វិទ្យាសាស្ត្រ ក៏ដូចជាផលប៉ះពាល់លើប្រភេទផ្សេងៗគ្នាក្នុងតំបន់នោះ ដូច្នេះ​គណៈកម្មាធិការធ្វើការសម្រេចជាឯកច្ឆ័ន្ទ មិនយល់ព្រមជាមួយគម្រោងនេះតែម្តង ។

ពាក់ព័ន្ធជាមួយបញ្ហានេះដែរ ក្រុមហ៊ុនបានច្រានចោលរាល់ការអះអាងទាំងអស់ ដោយលើកឡើងថា គម្រោងនេះ គឺបានអនុលោមតាមស្តង់ដារបរិស្ថានរបស់ប្រទេស ហើយក្រុមហ៊ុនក៏គ្រោងប្តឹងដល់តុលាការ ចំពោះនេះការបញ្ឈប់ផងដែរ ។

គួរបញ្ជាក់ថា គម្រោងរ៉ុករករបស់ក្រុមហ៊ុន Andes Iron នៃប្រទេសឈីលីដែលមានចាប់តាំងពីឆ្នាំ ២០១៣ មក រួមមានអណ្តូងរ៉ែ រោងចក្រ កន្លែងស្តុកទុកកាកសំណល់ ស្ថានីយដឹកជញ្ជូន និងប្រព័ន្ធបំពង់បង្ហូរក្រោមដីជាដើម ៕

ប្រែសម្រួលដោយ ៖ នាង រតនៈ

ប្រភព ៖​ Sputnik

ចុចអាន ៖ ដឹងទេ យន្តហោះដែលធ្លាក់នៅ នេប៉ាល់ មានអាយុកាលប៉ុន្មានឆ្នាំ?