Connect with us

ព័ត៌មានអន្ដរជាតិ

រុស្ស៊ី ព្រមានថា រថក្រោះអាមេរិក នឹងត្រូវកម្ទេចលើដី អ៊ុយក្រែន 

បានផុស

នៅ

ឯកអគ្គរដ្ឋទូតរបស់ទីក្រុងមូស្គូ ប្រចាំសហរដ្ឋអាមេរិក បានព្រមានថា រថក្រោះប្រយុទ្ធរបស់អាមេរិក ដែលបញ្ជូនទៅកាន់អ៊ុយក្រែន នឹងត្រូវបំផ្លាញដោយកងកម្លាំងរុស្ស៊ី។

រថក្រោះ M1 Abrams
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្រមាននេះធ្វើឡើង បន្ទាប់ពីមានរបាយការណ៍ថា ឥឡូវនេះ សេតវិមាន មានគម្រោងផ្គត់ផ្គង់គ្រឿងសឹកធុនធ្ងន់ដល់ទីក្រុងកៀវ បើទោះបីជាពីមុន បានបដិសេធក៏ដោយ។

នៅពេលសួរអំពីសក្តានុពលនៃការដឹកជញ្ជូនរថក្រោះប្រយុទ្ធដ៏សំខាន់ធុន M1 Abrams ទៅកាន់អ៊ុយក្រែន ឯកអគ្គរដ្ឋទូតរុស្ស៊ីប្រចាំសហរដ្ឋអាមេរិក លោក Anatoly Antonov បាននិយាយថា វិធានការនេះ នឹងធ្វើឲ្យអាមេរិកចូលរួមមួយកម្រិតទៀតនៅក្នុងជម្លោះ។

ឯកអគ្គរដ្ឋទូតរុស្ស៊ីប្រចាំសហរដ្ឋអាមេរិក លោក Anatoly Antonov

បេសកជនរូបនេះនិយាយថា “ប្រសិនបើការសម្រេចចិត្តផ្ទេររថក្រោះ M1 Abrams ទៅឲ្យទីក្រុងកៀវ ធ្វើឡើងមែននោះ គ្មានអ្វីត្រូវសង្ស័យទេដែលថា រថក្រោះអាមេរិកនឹងត្រូវកម្ទេច ដូចសព្វាវុធយោធារបស់អង្គការណាតូផ្សេងទៀតដែរ។ អាមេរិកកំពុងបង្កើនជំនួយយោធាឥតឈប់ឈរ ដល់រដ្ឋាភិបាលអាយ៉ងរបស់ពួកគេ”។

ថ្វីបើពីមុន សេតវិមានបានច្រានចោលការទាមទាររបស់ទីក្រុងកៀវសម្រាប់រថក្រោះ M1 Abrams ក៏ដោយ ប៉ុន្តែកាលពីថ្ងៃអង្គារ សារព័ត៌មានជាច្រើនបានរាយការណ៍ថា ទីក្រុងវ៉ាស៊ីនតោនបានផ្លាស់ប្តូរគំនិត ហើយឥឡូវនេះមានបំណងបញ្ជូនរថក្រោះទាំងអស់៕

ប្រែសម្រួល៖ Vann Vann

ប្រភព៖ RT

ចុចអាន៖ សេចក្តីរាយការណ៍៖ អាមេរិកនិងអាល្លឺម៉ង់ សម្រេចបញ្ជូនរថក្រោះទៅ អ៊ុយក្រែន ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម