ព័ត៌មានអន្ដរជាតិ
ចិន ព្រមានចាត់វិធានការម៉ឺងម៉ាត់ទៅ អាមេរិក ក្រោយបាញ់ទម្លាក់បាឡុងហោះ
ប្រទេសចិនបានរិះគន់ការសម្រេចចិត្តរបស់ប្រធានាធិបតី Joe Biden កាលពីថ្ងៃសៅរ៍ បន្ទាប់ពីយន្តហោះចម្បាំង F22 បានបាញ់ទម្លាក់បាឡុងរបស់ខ្លួនដែលស្រាវជ្រាវអាកាសធាតុ និងបានឆ្លងកាត់ទឹកដីទាំងមូលនៃសហរដ្ឋអាមេរិក។
ក្នុងពេលដែលយោធាអាមេរិកកំពុងបញ្ជូននាវាជួយសង្គ្រោះដើម្បីយកកម្ទេចកំទីធ្លាក់ក្នុងទឹករាក់ប្រហែល ៦ម៉ាយពីឆ្នេរសមុទ្រនៃរដ្ឋ South Carolina ក្រសួងការបរទេសចិនក៏បានចេញសេចក្ដីថ្លែងការណ៍មួយ កាលពីព្រឹកថ្ងៃអាទិត្យដោយបង្ហាញពីការមិនពេញចិត្តជាខ្លាំង និងតវ៉ាប្រឆាំងនឹងការប្រើកម្លាំងរបស់អាមេរិក ដែលវាយប្រហារលើនាវាអាកាសគ្មានមនុស្សបើករបស់ជនស៊ីវិល។
ក្រសួងបាននិយាយថា “ប្រទេសចិននឹងរក្សាយ៉ាងម៉ឺងម៉ាត់នូវសិទ្ធិ និងផលប្រយោជន៍ស្របច្បាប់របស់ក្រុមហ៊ុនពាក់ព័ន្ធ ហើយក្នុងពេលជាមួយគ្នានេះ រក្សាសិទ្ធិដើម្បីចាត់វិធានការបន្ថែមទៀតជាការឆ្លើយតបភ្លាមៗ” ។
ដោយឡែកកាលពីថ្ងៃសៅរ៍ រដ្ឋមន្ត្រីក្រសួងការពារជាតិអាមេរិក លោក Lloyd Austin បានចេញសេចក្តីថ្លែងការណ៍មួយ ដោយចោទប្រកាន់ចិនថា បានប្រើប្រាស់បាឡុងដើម្បីឃ្លាំមើលទីតាំងយុទ្ធសាស្ត្រនៅទ្វីបអាមេរិក ខណៈប្រទេសចិននៅតែបន្តអះអាងថា វាជាបាឡុងដែលប្រើសម្រាប់ការស្រាវជ្រាវឧតុនិយមប៉ុណ្ណោះ។
ទោះយ៉ាងណា ឧបទ្ទវហេតុនេះបានបង្ខំឲ្យរដ្ឋមន្ត្រីការបរទេសអាមេរិកលោក Antony Blinken ពន្យារពេលធ្វើដំណើរទៅទីក្រុងប៉េកាំង ស្របពេលដែលវិវាទបាឡុងហោះរបស់ចិន បានក្លាយជារឿងក្ដៅគគុកកាន់តែខ្លាំង៕
ប្រែសម្រួល៖ សាង ស្រីល័ក្ខ
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ