មានអ្នកស្លាប់ ក្នុងគ្រោះរញ្ជួយដីនៅ ឥណ្ឌូណេស៊ី

មនុស្សចំនួន៤នាក់បានស្លាប់ នៅពេលភោជនីយដ្ឋានបណ្តែតទឹកមួយ បានបាក់ចូលទៅក្នុងសមុទ្រអំឡុងពេលរញ្ជួយដីក្នុងប្រទេសឥណ្ឌូណេស៊ី នៅថ្ងៃព្រហស្បតិ៍ទី០៩ខែកុម្ភៈ។

ហាង Cirita Cafe ក្នុងទីក្រុង Jayapura នៃខេត្ត Papua បានបាក់រលំ ខណៈការរញ្ជួយដីកម្រិត ៥.៥រ៉ិចទ័រ វាយប្រហារខេត្តភាគខាងកើតមួយនេះ នៅរសៀលថ្ងៃព្រហស្បតិ៍។

ស្ត្រី​៤​នាក់ ​មិន​អាច​រត់​គេច​ពី​អគារ​ដែលបាក់​រលំ​ទាន់​ពេល​ទេ ហើយជាប់​ក្រោម​គំនរ​បាក់បែក។ ពួកគេត្រូវបានអ្នកឆ្លើយតបរកឃើញថា បាត់បង់ជីវិតនៅក្នុងឈូងសមុទ្រ Jayapura។

ទីភ្នាក់ងារឧតុនិយម អាកាសធាតុ និងភូគព្ភសាស្ត្រ របស់ប្រទេសឥណ្ឌូណេស៊ី បាននិយាយថា ការរញ្ជួយដីវាយប្រហារនៅម៉ោង ១:២៨នាទីរសៀល ក្នុងជម្រៅ១០គីឡូម៉ែត្រ។

គួរបញ្ជាក់ថា ការរញ្ជួយដីនេះ កើតឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីគ្រោះមហន្តរាយនៅក្នុងប្រទេសតួកគីនិងស៊ីរី បានសម្លាប់មនុស្សជាង១៥០០០នាក់ គិតត្រឹមល្ងាចថ្ងៃព្រហស្បតិ៍៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ថៃ មានពលរដ្ឋស្លាប់ ក្នុងគ្រោះរញ្ជួយដីនៅ តួកគី