Connect with us

ព័ត៌មានអន្ដរជាតិ

យោធា ចិន បាញ់ឡាស៊ែរដាក់នាវាឆ្មាំសមុទ្រ ហ្វីលីពីន បង្កឲ្យនាវិកមួយ​ចំនួនមានបញ្ហាភ្នែក

បានផុស

នៅ

ប្រទេសហ្វីលីពីនបានចោទប្រកាន់នាវាឆ្មាំសមុទ្រចិនមួយគ្រឿងដែលកំពុងធ្វើដំណើរក្នុងតំបន់សេដ្ឋកិច្ចផ្តាច់មុខរបស់ហ្វីលីពីននៅសមុទ្រចិនខាងត្បូង បានបាញ់ឡាស៊ែរដាក់នាវាល្បាតរបស់ខ្លួន នៅជិតច្រាំងសមុទ្រនៃកោះ Spratly កាលពីថ្ងៃទី ៦ ខែកុម្ភៈ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលហ្វីលីពីនបានកត់សម្គាល់ថា នាវាចិនបានបាញ់ឡាស៊ែរពណ៌បៃតងកម្រិតយោធាទៅលើនាវាល្បាតហ្វីលីពីនចំនួន ២ ដង ដោយបណ្ដាលឲ្យនាវិកហ្វីលីពីនមួយចំនួននៅលើនាវាមានបញ្ហាភ្នែក ចំពោះទង្វើបង្កហេតុនេះ ។

ពាក់ព័ន្ធនឹងបញ្ហានេះដែរ ឆ្មាំឆ្នេរសមុទ្រហ្វីលីពីនបានថ្កោលទោសទីក្រុងប៉េកាំង ហើយបានពិពណ៌នាអំពីសកម្មភាពរបស់ប្រទេសចិនថា “មិនយកចិត្តទុកដាក់ និងជាការរំលោភយ៉ាងច្បាស់លាស់ចំពោះសិទ្ធិអធិបតេយ្យភាពហ្វីលីពីន” ។

នាវាឆ្មាំឆ្នេរហ្វីលីពីនកំពុងធ្វើដំណើរឆ្ពោះទៅកាន់មូលដ្ឋានយោធាមួយនៅតំបន់នោះ ដើម្បីផ្តល់ការផ្គត់ផ្គង់ដល់បុគ្គលិករបស់ខ្លួន ខណៈកន្លងមក ចិនក៏ធ្លាប់​បាន​រារាំង​នាវា​ផ្គត់ផ្គង់​ហ្វីលីពីនផងដែរ ហើយ​វា​បាន​បង្ក​ភាព​តានតឹង​ជាបន្តបន្ទាប់រវាង​ប្រទេស​ទាំងពីរ ជាពិសេសការទាមទារអធិបតេយ្យភាពលើសមុទ្រចិនខាងត្បូង ។

ទន្ទឹមនឹងនេះ អ្នកនាំពាក្យក្រសួងការបរទេសចិន លោក Wang Wenbin បាននិយាយនៅក្នុងសន្និសីទសារព័ត៌មានមួយកាលពីថ្ងៃចន្ទថា “នាវាចិនបានឆ្លើយតបចំពោះរឿងនេះប្រកបដោយវិជ្ជាជីវៈជាមួយនឹងការអត់ធ្មត់ ហើយវាក៏ស្របតាមច្បាប់របស់ប្រទេសចិន និងច្បាប់អន្តរជាតិផងដែរ” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ចិន វាយបកទៅអាមេរិកវិញ រឿង បាឡុងហោះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម