Connect with us

ព័ត៌មានអន្ដរជាតិ

ចិន ប្រតិកម្មតបទៅ FBI រឿងថា ប្រភពដើមកូវីដធ្លាយចេញពីមន្ទីរពិសោធន៍ ក្រុងអ៊ូហាន

បានផុស

នៅ

ប្រទេសចិនបានប្រតិកម្មយ៉ាងខ្លាំងក្លា បន្ទាប់ពីនាយកការិយាល័យស៊ើបអង្កេតសហព័ន្ធអាមេរិក (FBI) លោក Christopher Wray បានវាយតម្លៃថា ប្រភពដើមនៃវីរុសកូវីដ ១៩ ទំនងជាលេចធ្លាយពីមន្ទីរពិសោធន៍នៅក្នុងទីក្រុងអ៊ូហាន ប្រទេសចិន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ អ្នកនាំពាក្យក្រសួងការបរទេសចិន លោកស្រី Mao Ning បានចេញមកជំទាស់យ៉ាងដាច់អហង្ការទៅនឹងការវាយតម្លៃរបស់ FBI នៅក្នុងសន្និសីទសារព័ត៌មានមួយកាលពីថ្ងៃពុធ ។

លោកស្រីបាននិយាយថា កន្លងមកអ្នកជំនាញនៃបេសកកម្មរួមគ្នារបស់ប្រទេសចិន និងអង្គការសុខភាពពិភពលោក (WHO) បានឈានដល់ការសន្និដ្ឋានផ្អែកតាមវិទ្យាសាស្ត្រ ដោយឯកភាពគ្នាកាលពីឆ្នាំ ២០២១ ថា ទ្រឹស្ដីនៃការលេចធ្លាយប្រភពដើមវីរុសកូវីដ ១៩ ចេញពីមន្ទីរពិសោធន៍របស់រដ្ឋាភិបាលចិន ត្រូវបានចាត់ទុកថា “មិនទំនងទាល់តែសោះ” ហើយការសន្និដ្ឋានេះ ក៏ត្រូវបានទទួលស្គាល់យ៉ាងទូលំទូលាយពីសហគមន៍អន្តរជាតិ និងសហគមន៍វិទ្យាសាស្ត្រផងដែរ ។

លោកស្រី Mao បាននិយាយថា “ការយកសហគមន៍ស៊ើបការណ៍សម្ងាត់ដូចជា FBI ឲ្យទទួលខុសត្រូវចំពោះបញ្ហាវិទ្យាសាស្ត្រ គឺជាសញ្ញាបង្ហាញយ៉ាងច្បាស់ថា បញ្ហានេះគឺជារឿងនយោបាយ” ។ លោកស្រីក៏បាននិយាយផងដែរថា “ការសន្និដ្ឋានដែលធ្វើឡើងដោយ FBI គឺមានភាពជឿជាក់តិចតួចណាស់” ។

ជាចុងក្រោយ អ្នកនាំពាក្យរូបនេះបានសង្កត់ធ្ងន់ថា “សហរដ្ឋអាមេរិកនឹងមិនជោគជ័យក្នុងការបង្ខូចកិត្តិយសប្រទេសចិនដោយការកែប្រែទ្រឹស្តី “ការលេចធ្លាយមន្ទីរពិសោធន៍” បែបនេះឡើយ ប៉ុន្តែវានឹងធ្វើឲ្យប៉ះពាល់ដល់កេរ្តិ៍ឈ្មោះរបស់ខ្លួនទៅវិញទេ” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ FBI ចេញមុខអះអាងថា វីរុសកូវីដ១៩ ទំនងធ្លាយចេញពីមន្ទីរពិសោធន៍ចិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៧ នាទី មុន

ព្រលានយន្តហោះអន្តរជាតិ​ខេត្តសៀមរាប សម្រេច​បាន​៨៦ភាគរយហើយ និងគ្រោង​ដាក់ឲ្យ​ហោះហើរ​សាកល្បង នៅខែមិថុនាខាងមុខនេះ

ជីវិតកម្សាន្ដ១ ម៉ោង មុន

ម្ចាស់មកុដ MGI ឆ្នាំនេះ រកចំណូលមិនសូវបានឱ្យក្រុមហ៊ុន

សន្តិសុខសង្គម២ ម៉ោង មុន

ឃុំខ្លួន ឃាតក​បាញ់​សម្លាញ់​ប្រពន្ធ​មាន​កូន​ក្នុង​ផ្ទៃ​៤​ខែ​ចោទ​៣​បទល្មើស

ព័ត៌មានជាតិ២ ម៉ោង មុន

ឯកឧត្ដមបណ្ឌិត ហ៊ុន ម៉ាណែត ៖ វិទ្យាសាស្ត្រ និង​សាសនា ត្រូវ​ដើរ​ទន្ទឹមគ្នា​ដើម្បី​ជួយ​អភិវឌ្ឍ​សង្គម​ឲ្យ​រីក​ចម្រើន​ប្រកប​ដោយ​គុណធម៌

ព័ត៌មានជាតិ៣ ម៉ោង មុន

អភិបាល​ខេត្តកំពត ស្នើ​ឱ្យ​ត​បណ្ដាញ​សេវាករ និងពង្រីកផ្គត់ផ្គង​អគ្គិសនី​ជូន​ពលរដ្ឋ​ទូទាំង​ខេត្ត​ឲ្យបាន​គ្រប់​ផ្ទះ​

Sokha Hotels

ព័ត៌មានពេញនិយម