ព័ត៌មានអន្ដរជាតិ
FBI ចេញមុខអះអាងថា វីរុសកូវីដ១៩ ទំនងធ្លាយចេញពីមន្ទីរពិសោធន៍ចិន
នាយក FBI លោក Christopher Wray បានអះអាងថា តាមការវាយតម្លៃរបស់ការិយាល័យនេះ វីរុសកូវីដ១៩ ទំនងជាមានប្រភពចេញពីការលេចធ្លាយពីមន្ទីរពិសោធន៍របស់រដ្ឋាភិបាលចិន។
ការអះអាងនេះកើតឡើង បន្ទាប់ពីមានរបាយការណ៍ទាក់ទងរបស់នាយកដ្ឋានថាមពល ដែលក៏បានចោទប្រកាន់ផងដែរថា មេរោគនេះ អាចលេចចេញពីមន្ទីរពិសោធន៍។
ក្នុងបទសម្ភាសរបស់ Fox News ដែលចាក់ផ្សាយនៅថ្ងៃពុធទី០១ខែមីនានេះ លោក Wray ត្រូវបានស្នើសុំឲ្យធ្វើអត្ថាធិប្បាយលើប្រភពដើមនៃវិបត្តិសុខភាពពិភពលោក ហើយលោកបានឆ្លើយតបថា ទីភ្នាក់ងាររបស់លោកមានទំនុកចិត្តថា មេរោគនេះគឺធ្លាយចេញពីមន្ទីរពិសោធន៍នៅទីក្រុង Wuhan ប្រទេសចិននាចុងឆ្នាំ២០១៩។
លោកនិយាយថា “ពិតណាស់ ពេលខ្លះ FBI បានវាយតម្លៃថា ប្រភពដើមនៃជំងឺរាតត្បាតទំនងជាឧប្បត្តិហេតុមន្ទីរពិសោធន៍ដែលអាចកើតមាននៅទីក្រុង Wuhan។ នៅទីនេះអ្នកកំពុងនិយាយអំពីការលេចធ្លាយចេញពីមន្ទីរពិសោធន៍ដែលគ្រប់គ្រងដោយរដ្ឋាភិបាលចិន”។ លោក Wray បន្ថែមថា មេរោគនេះបានសម្លាប់ជនជាតិអាមេរិករាប់លាននាក់ ហើយនោះជាអ្វីដែលច្បាស់ថា សមត្ថភាពនោះត្រូវបានបង្កើតឡើងសម្រាប់រឿងនេះ”។
ស្របពេលជាមួយគ្នានោះដែរ លោក Wray បានបន្តចោទប្រកាន់រដ្ឋាភិបាលចិនថា បានព្យាយាមយ៉ាងអស់ពីសមត្ថភាពដើម្បីរារាំងការស៊ើបអង្កេតរបស់ទីភ្នាក់ងារសហព័ន្ធអាមេរិក និងដៃគូបរទេស។
គួរបញ្ជាក់ថា ក្រុមមួយដែលដឹកនាំដោយអង្គការសុខភាពពិភពលោក (WHO) បានធ្វើដំណើរទៅកាន់ប្រទេសចិនក្នុងឆ្នាំ២០២១ ដើម្បីស៊ើបអង្កេតប្រភពដើមនៃមេរោគនេះ ដោយទីបំផុតបានសន្និដ្ឋានថា ទ្រឹស្តីលេចធ្លាយចេញមន្ទីរពិសោធន៍គឺមិនទំនងទាល់តែសោះ។
ទីក្រុងប៉េកាំងបានច្រានចោលការអះអាងនៃការលេចធ្លាយនថាជាពាក្យចចាមអារ៉ាមដែលគ្មានមូលដ្ឋាន និងជាកិច្ចខិតខំប្រឹងប្រែងដើម្បីបង្ខូចមុខមាត់អន្តរជាតិរបស់ប្រទេសចិន៕
ប្រែសម្រួល៖ Vann Vann
ប្រភព៖ RT
ចុចអាន៖ ទីក្រុងអ៊ូហានប្រែមុខមាត់ថ្មី ក្រោយបិទខ្ទប់ ដោយសារ កូវីដ រយៈពេល ៣ ឆ្នាំ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ