អាមេរិក ធានាសងលុយដល់អ្នកបញ្ញើក្នុងធនាគារដែលទើបប្រកាសក្ស័យ​ធន

ធនាគារជាតិអាមេរិក រួមជាមួយសហព័ន្ធសាជីវកម្មធានារ៉ាប់រងប្រាក់បញ្ញើ (FDIC)​ បានសហការគ្នាចេញលុយសងដល់អ្នកបញ្ញើប្រាក់នៅក្នុងធនាគារ Silicon Valley ដែលបានប្រកាសក្ស័យធនកាលពីថ្ងៃសុក្រ ។

ក្នុងសេចក្តីប្រកាសដោយធនាគារជាតិអាមេរិក គឺធ្វើការធានាយ៉ាងពេញលេញដល់អ្នកបញ្ញើប្រាក់នៅធនាគារ Silicon Valley ដោយនឹងទទួលបានសំណងវិញនៅថ្ងៃចន្ទនេះ ។ ដោយឡែក​ ចំពោះអ្នកជាប់បង់ពន្ធ នឹងមិនទទួលបានប្រាក់សំណងវិញឡើយ ។

ជាមួយគ្នានេះ ទោះបីជាធនាគារ Silicon Valley ក្ស័យធនក៏ដោយ តែអ្នកស្រី Janet Yellen ប្រធានរតនាគារអាមេរិក​បញ្ជាក់ថា វាមិនមែនជាបញ្ហាធំប៉ុន្មានឡើយ ដោយប្រព័ន្ធធនាគារអាមេរិក គឺនៅតែមានភាពរឹងមាំដដែល ។

ទន្ទឹមនោះ ដើម្បីឲ្យកាន់តែមានទំនុកចិត្ត លោកប្រធានាធិបតី Joe Biden និយាយថា ប្រជាជនអាមេរិក ត្រូវតែមានទំនុកចិត្ត​ចំពោះប្រព័ន្ធធនាគារអាមេរិក ដោយពួកគេអាចដកប្រាក់ពេលណាក៏បានដែរ នៅពេលដែលពួកគេត្រូវការ ។

ពាក់ព័ន្ឋជាមួយការក្ស័យធននេះ វាជាបរាជ័យលើកទី ២ ហើយសម្រាប់អាមេរិក ចាប់តាំងពីមានវិបត្តិសេដ្ឋកិច្ចនៅឆ្នាំ ២០០៨ មក ៕

ប្រែសម្រួលដោយ ៖​ នាង រតនៈ

ប្រភព ៖ BBC

ចុចអាន ៖ ធនាគារពាណិជ្ជធំមួយរបស់ អាមេរិក ប្រកាសក្ស័យធន