Connect with us

ព័ត៌មានអន្ដរជាតិ

អាមេរិក ជំរុញឲ្យប្រធានាធិបតីចិន ដាក់សម្ពាធលោក ពូទីន ជុំវិញ​ឧក្រិដ្ឋកម្ម​សង្រ្គាម​នៅ​អ៊ុយក្រែន

បានផុស

នៅ

សហរដ្ឋអាមេរិក បានជំរុញឲ្យប្រធានាធិបតីចិន លោក ស៊ី ជីនពីង ដាក់សម្ពាធលើលោក វ្ល៉ាឌីមៀរ ពូទីនឲ្យបញ្ឈប់ឧក្រិដ្ឋកម្មសង្គ្រាម នៅអ៊ុយក្រែន។

លោក ស៊ី ជីនពីង និងលោក វ្ល៉ាឌីមៀរ ពូទីន (រូបថត Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំទាំងពីរ បានជួបគ្នាម្តងទៀតនៅថ្ងៃអង្គារទី២១ខែមីនា សម្រាប់កិច្ចពិភាក្សាផ្លូវការ ក្នុងអំឡុងពេលដំណើរទស្សនកិច្ចលើកដំបូងរបស់លោក ស៊ី ទៅកាន់ទីក្រុងមូស្គូ ចាប់តាំងពីរុស្ស៊ី បើកការវាយលុកអ៊ុយក្រែន។

អ្នកនាំពាក្យក្រុមប្រឹក្សាសន្តិសុខជាតិរបស់សេតវិមាន បានអំពាវនាវឲ្យលោក ស៊ី ត្រូវជំរុញសមភាគីរុស្ស៊ីឲ្យដកទ័ពចេញពីប្រទេសអ៊ុយក្រែន។

លោក John Kirby (រូបថត Getty Images)

លោក John Kirby និយាយថា ការស្វែងរកបទឈប់បាញ់ នឹងមិនគ្រប់គ្រាន់ទេ។ លោកលើកឡើងថា “យើងសង្ឃឹមថា លោកប្រធានាធិបតី ស៊ី នឹងដាក់សម្ពាធលើលោកប្រធានាធិបតី ពូទីន ឲ្យបញ្ឈប់ការទម្លាក់គ្រាប់បែកលើទីក្រុង មន្ទីរពេទ្យ និងសាលារៀនអ៊ុយក្រែន, ឲ្យបញ្ឈប់ឧក្រិដ្ឋកម្មសង្រ្គាម និងអំពើឃោរឃៅ ហើយដកទ័ពរបស់គាត់ចេញ”។

ប៉ុន្តែលោកបង្ហាញក្តីព្រួយបារម្ភថា ចិននឹងអំពាវនាវជាថ្មីឲ្យមានបទឈប់បាញ់ ដែលនៅតែបន្សល់ទុកកងកម្លាំងរុស្ស៊ីនៅក្នុងទឹកដីអធិបតេយ្យរបស់អ៊ុយក្រែន ហើយបទឈប់បាញ់ណាមួយដែលមិនអាចដោះស្រាយការដកកងកម្លាំងរុស្ស៊ីចេញពីអ៊ុយក្រែនបាន នឹងផ្តល់សច្ចាប័នលើការសញ្ជ័យខុសច្បាប់របស់រុស្ស៊ីប្រកបដោយប្រសិទ្ធភាព។

លោក ពូទីន (រូបថត Sputnik)

ទោះបីជាយ៉ាងណាក៏ដោយ លោក ពូទីន និយាយថា លោកនឹងពិភាក្សាអំពីផែនការ ១២ចំណុចដែលស្នើឡើងដោយលោក ស៊ី ដើម្បីដោះស្រាយវិបត្តិធ្ងន់ធ្ងរនៅអ៊ុយក្រែន។

គួរបញ្ជាក់ថា ប្រទេសចិនបានបញ្ចេញផែនការរបស់ខ្លួនដើម្បីបញ្ចប់សង្រ្គាមកាលពីខែមុន ដែលក្នុងនោះរួមបញ្ចូលទាំង ការបញ្ឈប់អរិភាពនិងការចាប់ផ្តើមកិច្ចចរចាសន្តិភាពឡើងវិញផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ មកដឹងម្ហូបពិសេសៗ នៃអាហារពេលល្ងាច ដែលលោក ពូទីន និងលោក ស៊ី ទទួលទានជាមួយគ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៥ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៥ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម