ព័ត៌មានអន្ដរជាតិ
ចិន ព្រមានពី ភាពចលាចលនិងជម្លោះនៅ អាស៊ី (មានវីដេអូ)
នាយករដ្ឋមន្ត្រីចិន លោក Li Qiang បាននិយាយថា អាស៊ីត្រូវតែចៀសវាងភាពវឹកវរ និងជម្លោះ បើមិនដូច្នេះទេ អនាគតក្នុងតំបន់នេះ នឹងត្រូវបាត់បង់។
ថ្លែងទៅកាន់មេដឹកនាំនយោបាយ និងធុរកិច្ចអន្តរជាតិនៅថ្ងៃព្រហស្បតិ៍ទី៣០ខែមីនានេះ លោក Li និយាយថា ប្រទេសចិនអាចជា យុថ្កាសម្រាប់សន្តិភាពនិងស្ថិរភាពពិភពលោក ហើយនឹងបន្តធ្វើកំណែទម្រង់ និងបើកចំហរ។
លោក Li បានប្រាប់វេទិកា Boao Forum for Asia ប្រចាំឆ្នាំនៅលើកោះ ហៃណា របស់ប្រទេសចិនថា “នៅក្នុងពិភពលោកមិនច្បាស់លាស់នេះ ភាពប្រាកដប្រជាដែលចិនផ្តល់ជូនគឺជា យុថ្កាសម្រាប់សន្តិភាពនិងការអភិវឌ្ឍពិភពលោក។ នេះជាករណីកន្លងមក ហើយនឹងនៅតែជាករណីពេលអនាគត”។
ស្របពេលជាមួយគ្នានោះ នាយកគ្រប់គ្រង IMF លោកស្រី Kristalina Georgieva ក៏បាននិយាយកាលពីព្រឹកថ្ងៃព្រហស្បតិ៍ផងដែរ អំពីតម្រូវការសម្រាប់កិច្ចសហប្រតិបត្តិការ និងសាមគ្គីភាព ដើម្បីជម្នះបញ្ហានានាដូចជាការបែកបាក់ពាណិជ្ជកម្ម និងស្វែងរកដំណោះស្រាយដើម្បីពង្រឹងពាណិជ្ជកម្មអន្តរជាតិឡើងវិញតាមរបៀបសមធម៌ និងខ្សែចង្វាក់ផ្គត់ផ្គង់ចម្រុះ។
គួរបញ្ជាក់ថា ថ្នាក់ដឹកនាំធុរកិច្ចរាប់សិបនាក់ រួមទាំងនាយកប្រតិបត្តិក្រុមហ៊ុន Apple លោក Tim Cook, នាយកប្រតិបត្តិក្រុមហ៊ុន HSBC លោក Noel Quinn និងស្ថាបនិកក្រុមហ៊ុន Blackstone លោក Stephen Schwarzman ផងដែរ បានចូលរួមក្នុងវេទិកានេះ ដែលកើតឡើងចំពេលប្រទេសចិន ប្រឈមមុខនឹងការប្រកួតប្រជែងដ៏ក្តៅគគុកជាមួយសហរដ្ឋអាមេរិក។
ដោយឡែក មេដឹកនាំនយោបាយដែលចូលរួមក្នុងព្រឹត្តិការណ៍នេះ រួមមាននាយករដ្ឋមន្ត្រីអេស្ប៉ាញលោក Pedro Sánchez និងនាយករដ្ឋមន្ត្រីម៉ាឡេស៊ីលោក Anwar Ibrahim៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera
ចុចអាន៖ សេតវិមានប្រាប់ ចិន កុំយកលេសការឈប់សម្រាករបស់លោកស្រី Tsai លើទឹកដី អាមេរិក ដើម្បីលុកលុយ តៃវ៉ាន់

-
ព័ត៌មានជាតិ៤ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ១ សប្តាហ៍ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
ព័ត៌មានជាតិ៣ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៣ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៥ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៦ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៧ ថ្ងៃ ago
មន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៥ ថ្ងៃ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់