ព័ត៌មានអន្ដរជាតិ
រដ្ឋទាំង៥០របស់អាមេរិកកំពុងប្រុងជើងការខ្ពស់ ចំពោះបាតុកម្មហិង្សាប្រដាប់អាវុធ
រដ្ឋទាំង៥០របស់អាមេរិកនិងរដ្ឋធានីវ៉ាស៊ីនតោន ឌីស៊ី កំពុងស្ថិតក្នុងការប្រុងជើងការខ្ពស់ចំពោះបាតុកម្មហិង្សាដែលអាចកើតមាននៅចុងសប្តាហ៍នេះ មុនពេលលោកប្រធានាធិបតី Joe Biden ស្បថចូលកាន់តំណែងនៅថ្ងៃពុធ។
កងទ័ពឆ្មាំជាតិមកពីទូទាំងប្រទេសកំពុងត្រូវបានបញ្ជូនទៅទីក្រុងវ៉ាស៊ីនតោនឌីស៊ី ដើម្បីរារាំងកុំឲ្យមានកុបកម្មកើតឡើងម្តងទៀត ដូចកាលពីថ្ងៃទី៦ខែមករា។
FBI បានព្រមានអំពីការហែក្បួនប្រដាប់អាវុធដោយក្រុមបាតុករដែលគាំទ្រលោក Trump នៅក្នុងរដ្ឋទាំង៥០។
ឧទ្យាន National Mall ក្នុងទីក្រុងវ៉ាស៊ីនតោនត្រូវបានបិទខណៈ របាំងការពារត្រូវបានដាក់នៅតាមដងផ្លូវនានាក្នុងរដ្ឋធានី ចំពេលមានការរឹតបន្តឹងសន្តិសុខ។
ប៉ូលិសបានបញ្ជាក់កាលពីថ្ងៃសៅរ៍ថា បុរសម្នាក់នៅរដ្ឋ Virginia ត្រូវបានចាប់ខ្លួននៅមួយថ្ងៃមុននោះ ដោយមានកាំភ្លើងខ្លីចំនួន២ដើមនិងគ្រាប់មិនបានចុះបញ្ជីចំនួន៥០៩គ្រាប់ ខណៈគាត់បានព្យាយាមឆ្លងកាត់ប៉ុស្តិ៍ត្រួតពិនិត្យរបស់ប៉ូលិសកាពីតូល។
ប៉ូលិសបាននិយាយថា គាត់មានកាន់ប័ណ្ណដែលមិនមែនចេញដោយរដ្ឋាភិបាល។
ឆ្លើយតបនៅលើបណ្តាញសង្គម Twitter តំណាងរាស្រ្តឈ្មោះ Don Beyer នៃរដ្ឋ Virginia បាននិយាយថា “គ្រោះថ្នាក់មានពិត” ហើយលោកបានជំរុញឲ្យប្រជាជនកុំទៅតំបន់កាពីតូលឲ្យសោះ។
ស្របពេលជាមួយគ្នានោះ ក្រុមរបស់លោក Biden បានស្នើដល់ជនជាតិអាមេរិករួចទៅហើយ ឲ្យចៀសវាងការធ្វើដំណើរទៅទីក្រុងវ៉ាស៊ីនតោន សម្រាប់ពិធីសម្ពោធចូលកាន់តំណែងដោយសារតែជំងឺរាតត្បាតកូវីដ១៩។ មន្ត្រីមូលដ្ឋានបាននិយាយថា ប្រជាជនគួរតែមើលព្រឹត្តិការណ៍នេះពីចម្ងាយ។
រឿងនេះបានកើតឡើងមួយសប្តាហ៍បន្ទាប់ពីលោក Donald Trump ក្លាយជាប្រធានាធិបតីអាមេរិកដំបូងគេដែលត្រូវបានប្តឹងចោទប្រកាន់ចំនួនពីរដង។ ឥឡូវនេះ លោកត្រូវប្រឈមនឹងការកាត់ទោសនៅព្រឹទ្ធសភាក្រោមការចោទប្រកាន់ពីបទ “ញុះញង់ឲ្យមានកុបកម្ម” ពាក់ព័ន្ធចលាចលនៅវិមានកាពីតូលអាមេរិកដោយក្រុមអ្នកគាំទ្ររបស់លោក៕
ប្រែសម្រួលដោយ៖ Vann Vann
ប្រភព៖ BBC
ចុចអាន៖ តើតារាល្បីៗអាមេរិករូបណាខ្លះនឹងចូលរួមពិធីឡើងកាន់តំណែងរបស់លោក Biden?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ