តើតារាល្បីៗអាមេរិករូបណាខ្លះនឹងចូលរួមពិធីឡើងកាន់តំណែងរបស់លោក Biden?
Connect with us
Helistar Cambodia - Helicopter Charter Services

ព័ត៌មានអន្ដរជាតិ

តើតារាល្បីៗអាមេរិករូបណាខ្លះនឹងចូលរួមពិធីឡើងកាន់តំណែងរបស់លោក Biden?

បានផុស

នៅ

តារាហូលីវូដជាច្រើនមកពីឧស្សាហកម្មភាពយន្ត និងតន្ត្រីនឹងបង្ហាញខ្លួននៅក្នុងព្រឹត្តិការណ៍ឡើងកាន់តំណែងរបស់លោកប្រធានាធិបតី Joe Biden នៅថ្ងៃពុធសប្តាហ៍ក្រោយ ខណៈដែលវាក៏នឹងផ្សាយតាមទូរទស្សន៍ទូទាំងប្រទេសផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម្ចាស់ពានរង្វាន់ Academy Award ចំនួន ២ ដងលោក Tom Hanks នឹងរៀបចំកម្មវិធីពិសេសមួយរយៈពេល ៩០ នាទីដែលមានឈ្មោះថា “Celebrating America” ដែលនឹងត្រូវផ្សាយផ្ទាល់តាមបណ្តាញសំខាន់ៗរបស់អាមេរិកចាប់ពីម៉ោង ៨ និង ៣០ នាទីយប់រហូតដល់ម៉ោង ១០ យប់នៅថ្ងៃទី ២០ ខែមករាហើយក៏នឹងត្រូវផ្សាយផ្ទាល់តាម YouTube, Facebook និង Twitter ផងដែរ ។

យោងតាមការចុះផ្សាយរបស់ប្រព័ន្ធផ្សព្វផ្សាយកម្សាន្តអាមេរិក Variety បានឲ្យដឹងថា ម្ចាស់ពានរង្វាន់ Academy Award និងអ្នកឈ្នះពានរង្វាន់ Grammy ចំនួន ១១ ដងគឺនាង Lady Gaga ដែលជាអ្នកគាំទ្រលោក Biden យូរមកហើយនោះនឹងច្រៀងចំរៀងជាតិ ខណៈដែលនាង Jennifer Lopez ក៏នឹងធ្វើការសំដែងផងដែរ ។

ចំណែកម្ចាស់ពានរង្វាន់ Grammy Award ១០ ដង និងជាអ្នកឈ្នះពានរង្វាន់ Emmy ចំនួន ៤ ដងគឺលោក Justin Timberlake នឹងឡើងឆាកសម្ដែងទេពកោសល្យលេងតន្រ្តីជាមួយនឹងតារាតន្ត្រីដទៃទៀតដូចជាលោក Jon Bon Jovi លោក Ant Clemons និងនាង Demi Lovato ជាដើម ។

លើសពីនេះទៅទៀតអ្នកចំរៀង Bruce Springsteen ក្រុម Foo Fighters និងលោក John Legend នឹងសម្ដែងតន្រ្តីពីចម្ងាយ ចំណែកឯតារាសម្តែងនាង Eva Longoria និង Kerry Washington ក៏ចូលរួមក្នុងព្រឹត្តិការណ៍នេះផងដែរ ។

លោក Tony Allen នាយកប្រតិបត្តិនៃគណៈកម្មាធិការពិធីឡើងកាន់តំណែងប្រធានាធិបតីបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រនេះថា “ពិធីឡើងកាន់តំណែងនេះនឹងបង្ហាញពីឱកាសពិសេសមួយនៃការងើបឡើងវិញ និងស្មារតីរួបរួមរបស់សហរដ្ឋអាមេរិក” ។

គួរបញ្ជាក់ថា កម្មវិធីនេះក៏រួមបញ្ចូលទាំងការថ្លែងសុន្ទរកថារបស់លោក Biden និងអនុប្រធានាធិបតីលោកស្រី Kamala Harris មុនពេលពួកគេស្បថចូលកាន់តំណែង ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ប្រធានសភាអាមេរិកព្រមានសមាជិកណាដែលសមគំនិតក្នុងកុបកម្មវិមានកាពីតូលប្រឈមនឹងការកាត់ទោស

ចុចអាន ៖ ត្រាំ ប្រាប់ពេលវេលាចាកចេញពីសេតវិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

សមត្ថកិច្ច​ខេត្តសៀមរាប​ឃាត់ខ្លួន​មនុស្ស​៧​នាក់​ ករណី​ល្មើស​បម្រាម​កូ​វីដ១៩​និង​ប្រើប្រាស់​សារធាតុ​ញៀន

នយោបាយ៨ ម៉ោង មុន

ព្រះអង្គម្ចាស់​ក្ស​ត្រី​យ៍ នរោត្តម ម៉ា​រី បដិសេធ​មិន​ពាក់ព័ន្ធ​ជាមួយ​ការយក​ត្រា​របស់​គណបក្ស​ហ៊្វុនស៊ិនប៉ិច

ព័ត៌មានជាតិ៩ ម៉ោង មុន

ក្រុម​ឆក់​យ៉ាងសកម្ម​ជាច្រើនលើក ចំនួន​៧​នាក់ ត្រូវបាន​កម្លាំង​នគរបាល​ខេត្ត​កែប សហការ​បង្ក្រាប​និង​ឃាត់ខ្លួន

កូវីដ-១៩១០ ម៉ោង មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ១០ ម៉ោង មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

Sokha Hotels

ព័ត៌មានពេញនិយម

Helistar Cambodia - Helicopter Charter Services