ជនជាតិឥណ្ឌា ១១នាក់ ដាច់សរសៃឈាមខួរក្បាលស្លាប់ ខណៈចូលរួមព្រឹត្តិការណ៍ នៅក្រោមកម្តៅថ្ងៃ

ប្រមុខរដ្ឋ Maharashtra ក្នុងប្រទេសឥណ្ឌានិយាយថា កាលពីថ្ងៃអាទិត្យទី១៦ខែមេសា មនុស្សចំនួន១១នាក់បានស្លាប់ ដោយសារដាច់សរសៃឈាមខួរក្បាល នៅក្នុងព្រឹត្តិការណ៍មួយដែលរៀបចំដោយរដ្ឋមន្ត្រីក្រសួងមហាផ្ទៃឥណ្ឌា នៅជាយក្រុង Mumbai។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងមហាផ្ទៃសហព័ន្ធលោក Amit Shah បានផ្តល់រង្វាន់ដល់សកម្មជនសង្គមដ៏ល្បីម្នាក់ ដោយក្នុងកម្មវិធីនេះ ក៏មានការចូលរួមអបអរពីសំណាក់មនុស្សរាប់សែននាក់ផងដែរ។

ព្រឹត្តិការណ៍នេះ បានប្រារព្ធធ្វើឡើងនៅកណ្តាលវាល នាពេលរសៀលក្នុងតំបន់ Khargar ដែលសីតុណ្ហភាពអតិបរមាបានឈានដល់ ៣៨អង្សាសេ។ អ្នកចូលរួម ត្រូវបានគេមើលឃើញ មានខ្លះឈរ ខ្លះអង្គុយនៅកណ្តាលថ្ងៃដ៏ក្តៅ។

ប្រមុខរដ្ឋ Maharashtra លោក Eknath Shinde បានប្រាប់អ្នកយកព័ត៌មានកាលពីយប់ថ្ងៃអាទិត្យថា មនុស្សប្រហែល៥០នាក់ ក៏ត្រូវបានបញ្ជូនទៅមន្ទីរពេទ្យផងដែរ បន្ទាប់ពីព្រឹត្តិការណ៍។

គួររម្លឹកឡើងវិញ កាលពីខែកុម្ភៈឆ្នាំនេះ ការិយាល័យអាកាសធាតុឥណ្ឌាបានប្រកាសថា ប្រទេសនេះ ទំនងជានឹងជួបប្រទះរលកកម្តៅខ្លាំង នៅចន្លោះខែមីនា ដល់ខែឧសភា៕

ប្រែសម្រួល៖ Vann Vann

ប្រភព៖ Inquirer

ចុចអាន៖ មនុស្ស៣៥នាក់ ធ្លាក់អណ្តូងស្លាប់នៅ ឥណ្ឌា