បុរស អាមេរិក ម្នាក់បំបែកឯតទគ្គកម្មរស់នៅក្នុងទឹកយូរបំផុត (មានវីដេអូ)

សាស្ត្រាចារ្យអាមេរិកនៅសកលវិទ្យាល័យ South Florida លោក Joseph Dituri ដែលត្រូវបានគេស្គាល់ថាជា Deep Sea និងជាសមាជិកនៃគម្រោងស្រាវជ្រាវ Neptune 100 បានបំបែកឯតទគ្គកម្មពិភពលោក ដោយរស់នៅក្រោមទឹករហូតដល់ ៧៤ ថ្ងៃ ។

លោក Joseph Dituri​ ជាមនុស្សម្នាក់គត់ដែលបានបំបែកកំណត់ត្រានេះ ខណៈនៅក្នុងឆ្នាំ ២០១៤ អ្នកវិទ្យាសាស្រ្ត ២ រូបក៏ធ្លាប់ធ្វើបាន​ម្តងផងដែរ ប៉ុន្តែត្រឹមរយៈពេល ៧៣ថ្ងៃ ២ម៉ោង និង៣៤ នាទីប៉ុណ្ណោះ ។

លោកបានចាប់ផ្តើមរស់នៅក្រោមទឹក ចាប់ពីថ្ងៃទី១ ខែមីនា ឆ្នាំ២០២៣ ក្បែរឆ្នេរសមុទ្ររដ្ឋផ្លរីដាក្នុងជម្រៅទឹកជាង ៩ ម៉ែត្រ ហើយក្នុងនោះលោកក៏បានធ្វើការពិសោធន៍ប្រចាំថ្ងៃផងដែរ ជាពិសេសលោកបានប្រមូលភាពខុសគ្នានៃទិន្នន័យវេជ្ជសាស្រ្ត, ការប្រែប្រួលទម្ងន់, ទម្រង់សាច់ដុំ, សម្ពាធឈាម, ចក្ខុវិស័យ, ការស្តាប់ និងការកត់ត្រាផ្សេងៗទាំងអស់នៅក្នុងកំណត់ហេតុប្រចាំថ្ងៃ ។

លើសពីនេះ ដោយសារតែការរស់នៅក្រោមទឹករបស់លោកមានអ៊ីនធឺណិតផងនោះ លោកសាស្រ្តាចារ្យរូបនេះក៏ឆ្លៀតបានបង្រៀនវគ្គសិក្សាផ្ទាល់ខ្លួនក្នុងសាកលវិទ្យាល័យ South Florida និងផ្តល់ការបង្រៀនជាសាធារណៈអំពីគម្រោងបច្ចុប្បន្នផងដែរ ។

តាមរយៈការពិសោធន៍រស់នៅក្រោមទឹកបែបនេះ អ្នកវិទ្យាសាស្ត្រ Dituri កត់សម្គាល់ឃើញថា កោសិកាបានកើនឡើងទ្វេដងក្នុងរយៈពេល ៥ ថ្ងៃក្រោមសម្ពាធខ្ពស់ និងជឿជាក់ថា វាក៏អាចការពារជំងឺដែលទាក់ទងនឹងភាពចាស់ផងដែរ ៕

សូមទស្សនាវីដេអូ!

ប្រែសម្រួល ៖ នាង​ រតនៈ

ប្រភព ៖ Sputnik

ចុចអាន ៖ Montana ក្លាយជារដ្ឋដំបូងគេរបស់ អាមេរិក ហាមឃាត់ពលរដ្ឋមិនឲ្យលេង TikTok