ព័ត៌មានអន្ដរជាតិ
អាមេរិក ថា ១០ ឬ ១៥ ឆ្នាំទៀត កងទ័ពអាកាសនឹងប្រើមនុស្សយន្ត ជាអ្នកបើកយន្តហោះចម្បាំង
ប្រធានអគ្គសេនាធិការចម្រុះអាមេរិក លោកឧត្តមសេនីយ៍ Mark Milley បាននិយាយកាលពីថ្ងៃអង្គារថា កងទ័ពដែនអាកាសសហរដ្ឋអាមេរិកនឹងប្រើមនស្សយន្ត ឬរ៉ូប៉ូតជាអ្នកបើកយន្តហោះចម្បាំងក្នុងរយៈពេល ១០ ទៅ ១៥ ឆ្នាំទៀត ចំពេលមានការវិវត្តឥតឈប់ឈរនៃបច្ចេកវិទ្យាលើគម្រោងមួយនេះ ។
លោក Milley បាននិយាយក្នុងអំឡុងពិធីបំពាក់ស័ក្តិនៅសាកលវិទ្យាល័យ Princeton ថា “បច្ចុប្បន្ន យើងបានប្រើមនុស្សយន្តក្នុងជួរយោធារួចទៅហើយ ហើយអ្នកនឹងឃើញយានគ្មានមនុស្សបើកជាទម្រង់មនុស្សយន្តបន្ថែមទៀត ស្របពេលដែលយើងក៏កំពុងពិសោធន៍បច្ចេកវិទ្យាមួយនេះ ជាមួយទាំងនាវាបើកលើទឹក និងនាវាមុជទឹកនៅក្នុងកងទ័ពជើងទឹក” ។
មេទ័ពអាមេរិកបានអះអាងទៀតថា “ខ្ញុំហ៊ានធានាក្នុងរយៈពេល ១០ ឬ ១៥ ឆ្នាំខាងមុខ អាមេរិកនឹងលែងមានកងកម្លាំងដែនអាកាសជាមនុស្សទៀតហើយ ពោលយន្តហោះភាគច្រើនគឺមនុស្សយន្តជាអ្នកបើក ប៉ុន្តែបូករួមនឹងការបញ្ជារបស់មនុស្សតាមបច្ចេកវិទ្យាកុំព្យូទ័រផងដែរ” ។
លោក Milley បានលើកឡើងថា សហរដ្ឋអាមេរិកនឹងបំពាក់មនុស្សយន្តលើយានគ្មានមនុស្សបើក ដែលនឹងអាចកាត់បន្ថយការបាត់បង់ជីវិត ឬរងរបួសលើកងទ័ពរបស់យើង ក្នុងអំឡុងក្បួនជម្លៀសដូចករណីនៅប្រទេសអាហ្វហ្គានីស្ថាន និងអ៊ីរ៉ាក់ជាដើម ។
ជាចុងក្រោយលោកឧត្តមសេនីយ៍រូបនេះបញ្ជាក់ថា បច្ចេកវិទ្យា AI, មនុស្សយន្ត និងប្រព័ន្ធសព្វាវុធដែលមានសមត្ថភាពផ្សេងទៀត នឹងធ្វើឲ្យគម្រោងទាំងប៉ុន្មានរបស់អាមេរិកមានការផ្លាស់ប្ដូរ ជាពិសេសគឺការធ្វើសង្គ្រាមជាមួយដៃគូដែលមានប្រភពថាមពលខ្លាំងក្លាដូចគ្នា ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ យន្តហោះចារកម្ម អាមេរិក ប៊ិះបុក យន្តហោះចម្បាំងចិន លើសមុទ្រចិនខាងត្បូង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង