ព័ត៌មានអន្ដរជាតិ

តើពេលនេះ មេទ័ពអ៊ុយក្រែន នៅឯណា?

បានផុស

២ years មុន

នៅ

ថ្ងៃចន្ទ ១៩ មិថុនា ២០២៣

ដោយ

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានលើកឡើងថា អគ្គមេបញ្ជាការនៃកងកម្លាំងប្រដាប់អាវុធរបស់ទីក្រុងកៀវ គឺឧត្តមសេនីយ៍ Valery Zaluzhny អាចនៅក្រៅប្រទេសអ៊ុយក្រែន។

មេទ័ពអ៊ុយក្រែន Valery Zaluzhny (រូបថត៖ Sputnik)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃអាទិត្យទី១៨ខែមិថុនា ទូរទស្សន៍ Rossiya 1 បានចេញផ្សាយឃ្លីបរបស់លោកពូទីន និយាយអំពីជោគវាសនារបស់ឧត្តមសេនីយ៍កំពូលអ៊ុយក្រែន ក្នុងអំឡុងពេលជួបជាមួយអ្នកឆ្លើយឆ្លងព័ត៌មានយោធារុស្ស៊ី និងអ្នកសរសេរប្លុកនៅវិមានក្រឹមឡាំងកាលពីសប្តាហ៍មុន។

ប្រធានាធិបតីរុស្ស៊ី បានប្រាប់អ្នកយកព័ត៌មានថា “ខ្ញុំដឹងថាលោក Zalushny នៅឯណា។ ខ្ញុំគិតថាគាត់នៅបរទេស”។

គួរបញ្ជាក់ថា កន្លែងលាក់ខ្លួនរបស់លោក Zaluzhny បានក្លាយជាព័ត៌មានដែលគេចង់ដឹងបំផុត បន្ទាប់ពីគាត់ ខកខានចូលរួមកិច្ចប្រជុំជាន់ខ្ពស់ របស់អង្គការណាតូកាលពីថ្ងៃទី១០ខែឧសភា។

ប្រធានាធិបតីរុស្ស៊ី លោក វ្ល៉ាឌីមៀរ ពូទីន (រូបថត៖ Getty Images)

យោងតាមការឲ្យដឹងពីលោក Rob Bauer ប្រធានគណៈកម្មាធិការយោធារបស់ប្លុកអាមេរិក, ទីក្រុងកៀវ បានប្រាប់ទីក្រុងព្រុចសែលថា អគ្គមេបញ្ជាការអ៊ុយក្រែន មិនអាចចូលរួមដោយផ្ទាល់ឬតាមរយៈ video-link បានទេ ដោយសារតែស្ថានភាពប្រតិបត្តិការដ៏ស្មុគស្មាញ នៅក្នុងជម្លោះជាមួយរុស្ស៊ី។

ដោយឡែក កាលពីខែមុន ទីភ្នាក់ងារសារព័ត៌មាន RIA Novosti របស់រុស្ស៊ីបានរាយការណ៍ថា លោក Zaluzhny ត្រូវរបួសធ្ងន់ ក្នុងការវាយប្រហារដោយមីស៊ីលរុស្ស៊ី ជិតទីក្រុង Kherson កាលពីដើមខែឧសភា។ ប្រភពដដែលអះអាងថា វេជ្ជបណ្ឌិតគិតថា បុរសវ័យ៤៩ឆ្នាំរូបនេះនៅមានជីវិត ប៉ុន្តែគាត់នឹងមិនអាចបំពេញតួនាទីជាមេបញ្ជាការបានទៀតទេ។

ទោះបីជាយ៉ាងណាក៏ដោយ ក្រសួងការពារជាតិអ៊ុយក្រែន បានបដិសេធរបាយការណ៍នេះថាជាព័ត៌មានមិនពិតរបស់រុស្ស៊ី ហើយគូសបញ្ជាក់ថា លោក Zaluzhny នៅតែបំពេញការងាររបស់គាត់៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី ថា ប្រតិបត្តិការកម្ចាត់កងទ័ព អ៊ុយក្រែន ត្រូវបានបញ្ចប់