ព័ត៌មានអន្ដរជាតិ
UN ចោទថា រុស្ស៊ី បន្តរារាំងការផ្តល់ជំនួយមនុស្សធម៌ទៅឲ្យជនរងគ្រោះ ដោយបាក់ទំនប់
កាលពីថ្ងៃអាទិត្យទី១៨ខែមិថុនា អង្គការសហប្រជាជាតិ បានចោទប្រកាន់រុស្ស៊ីថា នៅតែបន្តរារាំងការផ្តល់ជំនួយមនុស្សធម៌ទៅកាន់តំបន់គ្រប់គ្រងដោយទីក្រុងមូស្គូ នៅភាគខាងកើតប្រទេសអ៊ុយក្រែន ដែលរងផលប៉ះពាល់ដោយការបាក់ទំនប់ Kakhovka នាពេលថ្មីៗនេះ។
ការបាក់ទំនប់កាលពីថ្ងៃទី៦ខែមិថុនា បានបណ្តាលឲ្យជន់លិចតំបន់ Kherson បង្ខំឲ្យមនុស្សរាប់ពាន់នាក់ត្រូវភៀសខ្លួន និងបង្កការភ័យខ្លាចចំពោះគ្រោះមហន្តរាយបរិស្ថាន។
អ្នកសម្របសម្រួលផ្នែកមនុស្សធម៌របស់អង្គការសហប្រជាជាតិ ប្រចាំប្រទេសអ៊ុយក្រែន លោកស្រី Denise Brown បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា “រហូតមកដល់ពេលនេះ រដ្ឋាភិបាលនៃសហព័ន្ធរុស្ស៊ី បានបដិសេធសំណើរបស់យើង ក្នុងការចូលទៅកាន់តំបន់ដែលស្ថិតនៅក្រោមការគ្រប់គ្រងយោធាបណ្តោះអាសន្នរបស់ខ្លួន”។
លោកស្រី Brown បន្តថា “អង្គការសហប្រជាជាតិ នឹងបន្តធ្វើឲ្យអស់ពីសមត្ថភាពដើម្បីទៅដល់ប្រជាជនទាំងអស់ រួមទាំងអ្នករងទុក្ខដោយសារការបំផ្លិចបំផ្លាញទំនប់នាពេលថ្មីៗនេះ ដែលត្រូវការជំនួយសង្គ្រោះជីវិតជាបន្ទាន់ផងដែរ មិនថាពួកគេនៅទីណានោះទេ”។
លោកស្រីបន្ថែមថា “យើងសូមជំរុញឲ្យអាជ្ញាធររុស្ស៊ី ធ្វើសកម្មភាពស្របតាមកាតព្វកិច្ចរបស់ពួកគេ ក្រោមច្បាប់មនុស្សធម៌អន្តរជាតិ”។
កាលពីថ្ងៃសៅរ៍ ក្រុមមន្ត្រីនៅក្នុងតំបន់កាន់កាប់ដោយរុស្ស៊ី បានប្រកាសថា ចំនួនមនុស្សស្លាប់ដោយសារការបាក់ទំនប់ បានកើនឡើងដល់២៩នាក់ ចំណែកឯខាងអ៊ុយក្រែនវិញ និយាយថា ចំនួនមនុស្សស្លាប់នៅក្នុងទឹកដីរបស់ខ្លួន បានកើនឡើងដល់១៦នាក់ ខណៈ៣១នាក់កំពុងបាត់ខ្លួន។
ពាក់ព័ន្ធនឹងករណីនេះដែរ ទីក្រុងកៀវ ចោទទីក្រុងមូស្គូថា បានបំផ្ទុះទំនប់នៅទន្លេ Dnipro ប៉ុន្តែរុស្ស៊ីបានឆ្លើយតបថា រឿងនោះជាស្នាដៃរបស់អ៊ុយក្រែន ទៅវិញទេ ៕
ប្រែសម្រួល៖ Vann Vann
ប្រភព៖ CNA
ចុចអាន៖ អ៊ុយក្រែន ចោទរុស្ស៊ី បំផ្ទុះទំនប់វារីអគ្គិសនីនៅតំបន់ Kherson បង្កហានិភ័យ គ្រោះទឹកជំនន់ ធ្ងន់ធ្ងរ
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៤ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ