ព័ត៌មានអន្ដរជាតិ

ដឹងទេ រុស្ស៊ី ដាក់ទ័ពប៉ុន្មាននាក់ប្រឆាំងការបះបោរប្រដាប់អាវុធរបស់ក្រុមទាហានស៊ីឈ្នួល

បានផុស

៩ ខែ មុន

នៅ

ថ្ងៃព្រហស្បតិ៍ ២៩ មិថុនា ២០២៣

ដោយ

បន្ទាប់ពីទប់ស្កាត់ទាន់ពេលវេលានូវការបះបោរប្រដាប់អាវុធពីសំណាក់ក្រុមទាហានស៊ីឈ្នួល Wagner Group កាលពីសប្ដាហ៍មុនមក លោកប្រធានាធិបតី វ្ល៉ាឌីមៀរ ពូទីន ក៏បានចេញមុខបញ្ជាក់ពីការដាក់ពង្រាយកងកម្លាំងប្រដាប់អាវុធរុស្ស៊ីក្នុងការបំពេញភារកិច្ចមួយនេះផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ លោក ពូទីន បានចេញបញ្ជាឲ្យប្រមូលកងទ័ពប្រហែល ១ ម៉ឺននាក់ដើម្បីចល័តចេញមកប្រឆាំងនឹងការបះបោរប្រដាប់អាវុធដឹកនាំដោយលោក Yevgeny Prigozhin ដែលចូលកៀកទីក្រុងមូស្គូកាលពីសប្តាហ៍មុន ។

ក្រោយពីទប់ស្កាត់ភាពចលាចលនេះហើយ លោក ពូទីន ក៏បានសរសើរ និងអរគុណដល់កងកម្លាំងប្រដាប់អាវុធរបស់រុស្ស៊ីចំពោះការបំពេញភារកិច្ចដោះស្រាយការបះបោរប្រដាប់អាវុធទាន់ពេលវេលា និងយ៉ាងមានប្រសិទ្ធភាពផងដែរ ។

លោក ពូទីន បាននិយាយទៅកាន់កងកម្លាំងប្រដាប់អាវុធលើទីលាន Cathedral Square នៅវិមានក្រឹមឡាំងថា កងទ័ពរុស្ស៊ីបានការពារសណ្តាប់ធ្នាប់រដ្ឋធម្មនុញ្ញ សន្តិសុខ និងសេរីភាពប្រជាពលរដ្ឋរបស់ប្រទេស ជាពិសេសបានជួយសង្គ្រោះមាតុភូមិពីភាពចលាចល និងបញ្ឈប់សង្គ្រាមស៊ីវិលប្រកបដោយជោគជ័យ ។

គួរបញ្ជាក់ថា បច្ចុប្បន្នមេក្រុមទាហានស៊ីឈ្នួល Wagner Group លោក Yevgeny Prigozhin កំពុងស្ថិតនៅក្នុងប្រទេសបេឡារុស បន្ទាប់ពីសម្រេចដកទ័ពចេញពីរុស្ស៊ី ក្រោយមានកិច្ចសម្របសម្រួលពីលោក Alexander Lukashenko ដែលបានចរចារកដំណោះស្រាយជាមួយលោក ពូទីន រួចមក ៕