ព័ត៌មានអន្ដរជាតិ

លោក បៃដិន ៖ ពូទីន បើកប្រតិបត្តិការសឹកលើ អ៊ុយក្រែន គឺចង់បំបែកលោកខាងលិច

បានផុស

២ years មុន

នៅ

ថ្ងៃសុក្រ ៣០ មិថុនា ២០២៣

ដោយ

ប្រធានាធិបតីសហរដ្ឋអាមេរិក ចូ បៃដិន បាននិយាយថា សង្គ្រាមលុកលុយរបស់រុស្ស៊ីលើអ៊ុយក្រែន គឺសំដៅបំបែកបំបាក់ប្រទេសលោកខាងលិច ប៉ុន្តែជាសំណាងល្អ ដោយសារតែវាមិនទទួលបានជោគជ័យឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងបទសម្ភាសន៍ជាមួយសារព័ត៌មាន MSNBC កាលពីថ្ងៃព្រហស្បតិ៍, លោក បៃដិន បានលើកឡើងថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន មានគោលបំណងច្បាស់លាស់មួយក្នុងសង្គ្រាមលើអ៊ុយក្រែន ហើយនោះគឺការបំបែកលោកខាងលិច ។

លោក បៃដិន បានអះអាងថា ប្រសិនបើលោក ពូទីន ជោគជ័យក្នុងប្រតិបត្តិការសឹកនៅអ៊ុយក្រែនមែននោះ លោកខាងលិចនឹងស្ថិតក្នុង “បញ្ហាពិតប្រាកដ” ។ ប្រធានាធិបតីរូបនេះបន្ថែមទៀតថា បណ្តាប្រទេសលោកខាងលិចអាចរួបរួមគ្នា ដើម្បីបង្អាក់ដល់ការលុកលុយដ៏សំខាន់បំផុតណាមួយរបស់រុស្ស៊ី ចាប់តាំងពីសង្គ្រាមលោកលើកទី២ មក ។

លោក បៃដិន ក៏បាននិយាយដែរថា លោកបានផ្តោតលើការរួមគ្នានៃការកាន់កាប់អង្គការណាតូ ចាប់តាំងពីលោកឡើងកាន់តំណែងមក ជាពិសេសរហូតមកដល់ពេលនេះ លោកបានពង្រីកចំនួនសម្ព័ន្ធមិត្ត និងដៃគូដល់ ៤០ ប្រទេសឯណោះ ហើយទាំងអស់នោះហើយ ជាមូលហេតុដែលប្រទេសលោកខាងលិចបន្តផ្តល់ការគាំទ្រយ៉ាងសំខាន់ដល់អ៊ុយក្រែន ។

គួរបញ្ជាក់ថា សហរដ្ឋអាមេរិក និងសម្ព័ន្ធមិត្តបានផ្ដល់កញ្ចប់ជំនួយ ទាំងសព្វាវុធ និងសម្ភារៈយោធាផ្សេងទៀតទៅឲ្យកងកម្លាំងរដ្ឋាភិបាលទីក្រុងកៀវក្នុងទំហំទឹកប្រាក់រាប់ពាន់លានដុល្លារ ចាប់តាំងពីផ្ទុះប្រតិបត្តិការសឹករបស់រុស្ស៊ីលើអ៊ុយក្រែនកាលពីខែកុម្ភៈ ឆ្នាំ២០២២ មក ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ដឹងទេ រុស្ស៊ី ដាក់ទ័ពប៉ុន្មាននាក់ប្រឆាំងការបះបោរប្រដាប់អាវុធរបស់ក្រុម ទាហានស៊ីឈ្នួល