រថយន្តក្រុងដឹកអ្នកដំណើរឥណ្ឌា ក្រឡាប់ឆេះ ស្លាប់មនុស្ស ២៥នាក់

មនុស្សចំនួន២៥នាក់បានស្លាប់ និង៨នាក់ផ្សេងទៀតរងរបួសនៅភាគខាងលិចប្រទេសឥណ្ឌា ពេលដែលរថយន្តក្រុងមួយគ្រឿង ជួបគ្រោះថ្នាក់ចរាចរណ៍ហើយក៏ឆេះ លើផ្លូវល្បឿនលឿន កាលពីព្រឹកថ្ងៃសៅរ៍ថ្ងៃទី១ខែកក្កដា។

មន្ត្រីប៉ូលិសជាន់ខ្ពស់ឈ្មោះ Baburao Mahamuni បានប្រាប់ AFP ថា រថយន្តក្រុងនេះ កំពុងធ្វើដំណើរទៅកាន់ទីក្រុង Pune នៅពេលវាបុកបង្គោលភ្លើង ហើយក្រឡាប់ឆេះ។ មានមនុស្សប្រហែល៣០ទៅ៣៥នាក់នៅក្នុងរថយន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ រដ្ឋមន្ត្រីក្រសួងអភិវឌ្ឍន៍ជនបទរបស់រដ្ឋ Maharashtra លោក Girish Mahajan បានប្រាប់អ្នកយកព័ត៌មានថា អ្នកបើកបរត្រូវចាប់ខ្លួន ដើម្បីសាកសួរ។ តៃកុងនិយាយ​ថា ​កង់​រថយន្តបាន​ផ្ទុះ បន្ទាប់​មក​វា​ទៅ​បុក​បង្គោល​ភ្លើង ប៉ុន្តែមានការសង្ស័យថា គាត់ប្រហែល​ងងុយដេកទើបបង្កឲ្យមានគ្រោះថ្នាក់។

គ្រោះថ្នាក់ចរាចរណ៍ គឺជារឿងធម្មតានៅឥណ្ឌា ព្រោះប្រទេសនេះ មិនសូវមានផ្លូវល្អឡើយនៅតាមទីជនបទ។

ប្រទេសនេះរួមចំណែក១១%នៃចំនួនអ្នកស្លាប់លើដងផ្លូវសរុបទូទាំងពិភពលោក។ នេះបើយោងតាមរបាយការណ៍របស់ធនាគារពិភពលោកចេញផ្សាយក្នុងឆ្នាំ២០២១។

របាយការណ៍ខាងលើបានប៉ាន់ប្រមាណថា មានអ្នកស្លាប់ដោយសារគ្រោះថ្នាក់ចរាចរណ៍ចំនួន១៥ម៉ឺននាក់នៅក្នុងប្រទេសឥណ្ឌាជារៀងរាល់ឆ្នាំ ឬម្នាក់រៀងរាល់៤នាទីម្តង៕

ប្រែសម្រួល៖ Vann Vann

ប្រភព៖ CNA

ចុចអាន៖ ឥណ្ឌា ជួបហេតុការណ៍រន្ធត់មួយទៀត ក្រោយសោកនាដកម្ម រថភ្លើងបុកគ្នា (មានវីដេអូ)