ព័ត៌មានអន្ដរជាតិ
និយ័តករហិរញ្ញវត្ថុ ចិន ពិន័យក្រុមហ៊ុនរបស់ Jack Ma ជិត ១ ពាន់លានដុល្លារ
និយ័តករហិរញ្ញវត្ថុប្រទេសចិនបានពិន័យក្រុមហ៊ុន Ant Group ដែលជាក្រុមហ៊ុនហិរញ្ញវត្ថុបង្កើតឡើងដោយមហាសេដ្ឋី Jack Ma ក្នុងទំហំទឹកប្រាក់ប្រហែល ៩៩៤ លានដុល្លារ ពីបទបំពានច្បាប់ទាក់ទងនឹងការការពារអ្នកប្រើប្រាស់ និងអភិបាលកិច្ចសាជីវកម្ម ។
គណៈកម្មាធិការនិយតកម្មមូលបត្រ រួមជាមួយធនាគារប្រជាជនចិន និងរដ្ឋបាលនិយតកម្មហិរញ្ញវត្ថុជាតិបាននិយាយនៅក្នុងសេចក្តីថ្លែងការណ៍រួមមួយថា ក្រុមហ៊ុន Ant Group ក៏បានបំពានច្បាប់មួយចំនួនទៀតផងដែរ ទាក់ទងនឹងសកម្មភាពអាជីវកម្មក្នុងវិស័យធនាគារ និងធានារ៉ាប់រង ការទូទាត់ ការប្រឆាំងការលាងលុយកខ្វក់ និងការលក់មូលនិធិជាដើម ។
ចំពោះការពិន័យនេះដែរ ក្រុមហ៊ុន Ant Group ក៏បានទទួលស្គាល់កំហុសផងដែរ និងថែមទាំងសន្យាគោរពតាមលក្ខខណ្ឌនៃការពិន័យរបស់និយ័តករ ។
Ant Group គឺជាសាខារបស់ក្រុមហ៊ុនពាណិជ្ជកម្មអេឡិចត្រូនិកយក្ស Alibaba របស់មហាសេដ្ឋី Jack Ma ខណៈវិនិយោគិនគិតថា ការផាកពិន័យនេះ គឺធ្វើឡើងក្រោមបទប្បញ្ញត្តិដូចគ្នាទៅនឹងច្បាប់កាលពីខែវិច្ឆិកា ឆ្នាំ២០២០ នៅពេលដែលក្រុមហ៊ុន Ant Group ត្រូវបានបង្ខំឲ្យផ្អាកការលក់ហ៊ុនដំបូងដល់សាធារណជន (IPO) របស់ខ្លួនប៉ុន្មានថ្ងៃ មុនពេលចាប់ផ្តើមដំណើរការ ។
ដោយឡែកនៅខែមេសា ឆ្នាំ ២០២១ ក្រុមហ៊ុន Alibaba របស់លោក Jack Ma ក៏ត្រូវបានពិន័យជាប្រាក់ចំនួន ២.៥ ពាន់លានដុល្លារផងដែរ ដែលជាកំណត់ត្រាខ្ពស់មួយសម្រាប់ប្រទេសចិន ។
គួរបញ្ជាក់ថា ក្រៅពី Ant Group, និយ័តករហិរញ្ញវត្ថុចិន ក៏បានប្រកាសពីការផាកពិន័យប្រាក់ជិត ៤១៥ លានដុល្លារទៀតផងដែរ សម្រាប់វេទិកាទូទាត់តាមអ៊ីនធឺណិត Tenpay ដែលជាក្រុមហ៊ុន Tencent (TCEHY) ៕
ប្រែសម្រួល៖ នាង រតនៈ
ប្រភព៖ CNN
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង