ឆេះផ្ទះល្វែងនៅទីក្រុង ហាណូយ ស្លាប់មនុស្ស ៤០នាក់

មនុស្សជាង៧០នាក់ត្រូវបានជួយសង្គ្រោះ ក្នុងនោះមាន៥៤នាក់ ត្រូវបញ្ជូនទៅមន្ទីរពេទ្យបន្ទាប់ពីអគារផ្ទះល្វែងមួយ នៅទីក្រុងហាណូយ បានឆាបឆេះកាលពីយប់ថ្ងៃអង្គារទី១២ខែកញ្ញា ដែលបណ្តាលឲ្យមនុស្ស៤០នាក់ បាត់បង់ជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គិភ័យ​បាន​កើត​ឡើង​នៅ​ម៉ោង​ ១១​ និង ​៥០​ នាទី​យប់ ​នៅ​ផ្លូវ​ Khuong Ha ក្នុង​សង្កាត់ Thanh Xuan ។ អគារផ្ទះល្វែងទំហំជាង ២០០ ម៉ែត្រការ៉េនោះ ត្រូវបានគេដឹងថា មានមនុស្សរស់នៅប្រហែល ១៥០ នាក់ ។

ទន្ទឹមនោះ មន្ទីរពេទ្យ Bach Mai បានទទួលអ្នករបួសជាច្រើន ក្នុងនោះមាន ៨ នាក់ជាកុមារ ។ លើសពីនេះ មនុស្សភាគច្រើនមានបញ្ហាថប់ដង្ហើម ដោយសារស្រូបផ្សែង ។ ទោះបីជាយ៉ាងណាក៏ដោយ ភ្លាមៗនេះ គេមិនទាន់ដឹងថា អគ្គិភ័យ បង្កឡើងដោយមូលហេតុអ្វីនោះទេ៕

ប្រែសម្រួល៖ Vann Vann

ប្រភព៖ VN Express

ចុចអាន៖ អគ្គិភ័យ ឆាបឆេះប្លុកផ្ទះល្វែងនៅអាហ្វ្រិកខាងត្បូង ស្លាប់មនុស្ស៥៨នាក់ ខណៈជាង៤០នាក់ រងរបួស