អាមេរិក នឹងប្រកាសជំនួយយោធា ៣២៥លានដុល្លារ ឲ្យអ៊ុយក្រែន អំឡុងពេលលោក ហ្សេលេនស្គី ធ្វើទស្សនកិច្ចទីក្រុង វ៉ាស៊ីនតោន

ប្រធានាធិបតីអាមេរិកលោក ចូ បៃដិន នឹងប្រកាសកញ្ចប់ជំនួយយោធាទំហំទឹកប្រាក់ ៣២៥ លានដុល្លារសម្រាប់អ៊ុយក្រែន នៅថ្ងៃព្រហស្បតិ៍ទី២១ខែកញ្ញា (ពេលវេលានៅអាមេរិក) ចំពេលដំណើរទស្សនកិច្ចរបស់លោកប្រធានាធិបតី វូឡូឌីមៀរ ហ្សេលេនស្គី ទៅកាន់ទីក្រុងវ៉ាស៊ីនតោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីអាមេរិកដែលសុំមិនបញ្ចេញឈ្មោះនិយាយថា កញ្ចប់ជំនួយសព្វាវុធនេះ នឹងរួមបញ្ចូលទាំងគ្រាប់បែកចង្កោមឈុតទីពីរ ដែលបាញ់ដោយកាំភ្លើងធំ Howitzer ១៥៥មិល្លីម៉ែត្រផងដែរ។

មន្ត្រីដដែលបន្តថា ជំនួយសព្វាវុធថ្មីផ្សេងទៀតសម្រាប់អ៊ុយក្រែន ក៏នឹងត្រូវប្រកាសនៅក្នុងអំឡុងពេលនៃកិច្ចប្រជុំរវាងលោក បៃដិន ជាមួយលោក ហ្សេលេនស្គី ផងដែរ។

លោក ហ្សេលេនស្គី គ្រោងទៅបំពេញទស្សនកិច្ចវិមាន Capitol Hill នៅព្រឹកថ្ងៃព្រហស្បតិ៍ (ពេលវេលានៅអាមេរិក )ដើម្បីជួបជាមួយសមាជិកសភា មុនពិភាក្សានៅសេតវិមាន ជាមួយលោក បៃដិន នាល្ងាចថ្ងៃដដែល។

សូមបញ្ជាក់ថា ចាប់តាំងពីរុស្ស៊ី បើកការវាយលុកអ៊ុយក្រែនក្នុងខែកុម្ភៈឆ្នាំ២០២២មក សហរដ្ឋអាមេរិកបានបញ្ជូនជំនួយសន្តិសុខក្នុងទំហំទឹកប្រាក់ជាង៤០ពាន់លានដុល្លាររួចទៅហើយ ឲ្យទីក្រុងកៀវ៕

ប្រែសម្រួល៖ Vann Vann

ប្រភព៖ CNA

ចុចអាន៖ រុស្ស៊ី ថា លោក Zelensky ទៅ អាមេរិក ដើម្បីសុំលុយពីលោកខាងលិច