Connect with us

ព័ត៌មានអន្ដរជាតិ

បារាំង នឹងឲ្យអ៊ុយក្រែនចំណាយលុយទិញអាវុធវិញ ឈប់បញ្ជូនទៅទទេៗហើយ!

បានផុស

នៅ

រដ្ឋមន្ត្រីក្រសួងកងកម្លាំងប្រដាប់អាវុធបារាំង លោក Sebastien Lecornu បាននិយាយកាលពីថ្ងៃចន្ទទី១៣ខែវិច្ឆិកាថា រដ្ឋាភិបាលទីក្រុងប៉ារីស គ្រោងបញ្ឈប់ការបញ្ជូនអាវុធទៅឲ្យអ៊ុយក្រែនពីឃ្លាំងរបស់ខ្លួនទៀតហើយ ហើយជំនួសមកវិញ នឹងឲ្យទីក្រុងកៀវ ទិញអាវុធដោយផ្ទាល់ពីក្រុមហ៊ុនផលិតរបស់ប្រទេសនេះ តាមរយៈមូលនិធិគាំទ្រ។

លោក Sebastien Lecornu (រូបថត៖ AFP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីខាងលើបាននិយាយក្នុងបទសម្ភាស ជាមួយទូរទស្សន៍ LCI ថា “ឥឡូវនេះ យើងកំពុងចរចាជាមួយសហការីអ៊ុយក្រែនរបស់យើង ដើម្បីជំរុញឲ្យពួកគេទិញកាំភ្លើងធំថ្មី ដោយប្រើប្រាក់ពីមូលនិធិពិសេស ដូច្នេះយោធាបារាំងនឹងលែងមានការបញ្ជូនកាំភ្លើង ចេញពីឃ្លាំងរបស់ខ្លួនទៀតហើយ”។

លោក Lecornu កត់សម្គាល់ថា គិតត្រឹមពេលនេះ ជំនួយយោធាបារាំងដែលផ្ដល់ឲ្យអ៊ុយក្រែន បានឈានដល់ ៣.២ ពាន់លានអឺរ៉ូ (៣.៤ ពាន់លានដុល្លារ) រួចទៅហើយ ។ ចំនួន​នេះ​ ​ធ្វើ​ឲ្យ​បារាំង​ស្ថិត​ក្នុង​ចំណោម​អ្នក​គាំទ្រធំៗរបស់អ៊ុយក្រែននៅ​អឺរ៉ុប​ រួម​ជាមួយ​អាល្លឺម៉ង់ និង​ចក្រភព​អង់គ្លេស ។

មន្ត្រីដដែលបន្ថែមថា ទីក្រុងប៉ារីស ក៏បានសន្យាផ្តល់ប្រាក់បន្ថែមចំនួន ២០០ លានអឺរ៉ូ (២១៣ លានដុល្លារ) ដល់មូលនិធិគាំទ្ររបស់អ៊ុយក្រែនផងដែរ ដើម្បីធានាឲ្យកងទ័ពទីក្រុងកៀវ បន្តទទួលបានគ្រឿងសឹករបស់បារាំង។

(រូបថត៖ CPL)

គួរបញ្ជាក់ថា កញ្ចប់ថវិការបស់ក្រសួងការពារជាតិបារាំង នឹងបង្កើនថែម ៣.៥ ពាន់លានអឺរ៉ូទៀតនៅឆ្នាំក្រោយ ពោលគឺកើនឡើង ៧.៥ ភាគរយដែលឈានដល់ចំនួនសរុប ៥០.៤ ពាន់លានដុល្លារ ស្របតាមច្បាប់ថ្មីស្តីពីកម្មវិធីយោធាឆ្នាំ ២០២៤-២០៣០ ។

ចាប់តាំងពីការផ្ទុះជម្លោះអ៊ុយក្រែនមក ប្រទេសបារាំង បានផ្តល់ជំនួយឧបករណ៍យោធាយ៉ាងច្រើនសន្ធឹកសន្ធាប់ទៅឲ្យទីក្រុងកៀវ រួមទាំងកាំភ្លើងធំ Caesar ៣០គ្រឿង, រថពាសដែក (VAB) និងរថពាសដែក AMX-10 RC ច្រើនគ្រឿង ក៏ដូចជាកាំភ្លើងធំ TRF1 ១៥៥មិល្លីម៉ែត្រ ១៥គ្រឿង, មីស៊ីលបាញ់ពីដីទៅអាកាស Mistral ប្រហែល១០០គ្រាប់ និងជើងទម្របាញ់រ៉ុកកែតពហុមុខងារ ២គ្រឿងផងដែរ ៕

ប្រែសម្រួល៖ Vann Vann

ប្រភព៖ RT

ចុចអាន៖ លោក Macron ថា ខែក្រោយ នឹងកំណត់ជោគវាសនា ជម្លោះ រុស្ស៊ី-អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម