ព័ត៌មានអន្ដរជាតិ
លោក ហ្សេលេនស្គី បញ្ជាក់ថា អ៊ុយក្រែន ត្រូវការទាហាន ៥០ម៉ឺននាក់ បន្ថែមទៀត
ប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី បានបង្ហើបឲ្យដឹងថា យោធាអ៊ុយក្រែនត្រូវការទាហានបន្ថែមរហូតដល់ ៥០ម៉ឺននាក់ទៀត ខណៈសង្រ្គាមជាមួយរុស្ស៊ីជិតដល់រយៈពេលពីរឆ្នាំហើយ។
ក្នុងសន្និសីទសារព័ត៌មាននៅទីក្រុងកៀវ លោកនិយាយថា មេបញ្ជាការរបស់លោក កំពុងស្វែងរកទាហានចន្លោះពី៤៥០០០០ដល់៥០០០០០នាក់។ លោកក៏ទទួលស្គាល់ដែរថា នេះជាដ៏បញ្ហារសើប ប៉ុន្តែទាហាន ៥០០០០០នាក់ បានស្ថិតនៅសមរភូមិជួរមុខ រួចទៅហើយ។
លោកនិយាយថា “នេះគឺជាចំនួនដ៏ច្រើនលើសលុប ហើយខ្ញុំត្រូវការពិភាក្សាឲ្យស៊ីជម្រៅបន្ថែមទៀត មុននឹងធ្វើផែនការនេះ។ ខ្ញុំត្រូវការផែនការជាក់លាក់៖ តើនឹងមានអ្វីកើតឡើងចំពោះកងទ័ពអ៊ុយក្រែនដ៏រឹងមាំរាប់លាននាក់ តើនឹងមានអ្វីកើតឡើងចំពោះបុរសទាំងនោះ ដែលបានការពាររដ្ឋរបស់យើងអស់រយៈពេលពីរឆ្នាំមកហើយ? យើងមានបញ្ហានៃការផ្លាស់ប្តូរកម្លាំង និងថ្ងៃឈប់សម្រាក។ វាគួរតែជាផែនការដ៏ទូលំទូលាយមួយ”។
ការអត្ថាធិប្បាយរបស់លោក កើតឡើងបន្ទាប់ពីសហរដ្ឋអាមេរិក និងសហភាពអឺរ៉ុប ហាក់បន្ថយការផ្តល់ជំនួយដល់អ៊ុយក្រែន។
ជាលើកដំបូង គណបក្សសាធារណរដ្ឋនៅក្នុងសភាអាមេរិក បានរារាំងកញ្ចប់យោធាតម្លែ ៦០ពាន់លានដុល្លារសម្រាប់អ៊ុយក្រែននៅដើមខែធ្នូ ហើយនៅសប្តាហ៍នេះផងដែរ អ្នកតំណាងទាំងសេតវិមាន និងក្រសួងការបរទេសអាមេរិក និយាយថា ទីក្រុងវ៉ាស៊ីនតោន កំពុងរៀបចំផែនការផ្តល់កញ្ចប់ជំនួយយោធាមួយបន្ថែមទៀតដល់ទីក្រុងកៀវ ប៉ុន្តែថា រឿងនេះក៏ជួបឧបសគ្គដែរលុះត្រាតែសភាធ្វើសកម្មភាព។
អ៊ុយក្រែន កំពុងប្រឈមនឹងការខ្វះខាតគ្រាប់រំសេវ ខណៈប្រទេសបន្តប្រយុទ្ធនឹងការកាន់កាប់របស់កងកម្លាំងរុស្ស៊ី បន្ទាប់ពីទីក្រុងមូស្គូបើកការវាយលុកពេញទំហឹងក្នុងខែកុម្ភៈ ឆ្នាំ២០២២។ យ៉ាងណា ការវាយបករបស់ទីក្រុងកៀវ ត្រូវបរាជ័យនៅដើមរដូវរងា ហើយមានការភ័យខ្លាចថា រុស្ស៊ីអាចធ្វើឲ្យអ៊ុយក្រែន អស់អាវុធប្រយុទ្ធតទៅទៀត។
សូមបញ្ជាក់ថា សន្និសីទសារព័ត៌មានចុងឆ្នាំរយៈពេល ២ ម៉ោងរបស់លោក ហ្សេលេនស្គី ធ្វើឡើងនៅក្នុងរដ្ឋធានីអ៊ុយក្រែនកាលពីថ្ងៃអង្គារ ទី១៩ ខែធ្នូ ប៉ុន្តែពេលវេលា និងទីតាំង ត្រូវបានរក្សាការសម្ងាត់ ខណៈប្រព័ន្ធផ្សព្វផ្សាយអ៊ុយក្រែន និងបរទេសដែលអញ្ជើញឲ្យចូលរួម ត្រូវបានផ្តល់ព័ត៌មានលម្អិតនៅក្នុងលិខិតបញ្ជាក់របស់ពួកគេ ។
ប្រែសម្រួល៖ Vann Vann
ប្រភព៖ BBC
ចុចអាន៖ មន្ទីរបញ្ចកោណព្រមានថា អាមេរិក នឹងអស់លុយជួយ អ៊ុយក្រែន មែនទែន ហើយនៅថ្ងៃទី៣០ ខែធ្នូនេះ
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ