ព័ត៌មានអន្ដរជាតិ
អ៊ុយក្រែន បាញ់មីស៊ីលកម្ទេចនាវាចម្បាំង រុស្ស៊ី ក្រោយសង្ស័យដឹកយន្តហោះដ្រូន និងគ្រឿងផ្ទុះមកពី អ៊ីរ៉ង់
កងទ័ពអាកាសអ៊ុយក្រែនបានបាញ់មីស៊ីលកម្ទេចនាវាចម្បាំងខ្នាតធំមួយគ្រឿងរបស់រុស្ស៊ីដែលកំពុងចូលចតនៅក្នុងកំពង់ផែ Feodosia នៃតំបន់គ្រីមៀ ខណៈក្នុងហេតុការណ៍នោះដែរបានសម្លាប់មនុស្សម្នាក់ និង ៤ នាក់ផ្សេងទៀតរងរបួស ស្របពេលដែលសម្ព័ន្ធមិត្តលោកខាងលិចចាត់ទុកការវាយប្រហារនេះថាជាឧបសគ្គដ៏ធំមួយសម្រាប់កងទ័ពជើងទឹករុស្ស៊ី ។
ការបាញ់កម្ទេចនាវាចម្បាំងខ្នាតធំរបស់រុស្ស៊ីឈ្មោះ Novocherkassk ពីសំណាក់កងទ័ពអាកាសអ៊ុយក្រែនកើតឡើង បន្ទាប់ពីលោកប្រធានាធិបតី Volodymyr Zelensky បាននិយាយបែបលេងសើចនៅលើប្រព័ន្ធផ្សព្វផ្សាយសង្គមថា នាវានេះបានចូលរួមសកម្មភាពជាមួយ “កងនាវាសមុទ្រខ្មៅក្រោមទឹករបស់រុស្ស៊ី” ។
បន្ទាប់ពីហេតុការណ៍នេះហើយ រដ្ឋមន្ត្រីការពារជាតិរុស្ស៊ី លោក Sergei Shoigu ក៏បានជូនដំណឹងទៅដល់លោកប្រធានាធិបតី Vladimir Putin រួចហើយអំពីការខូចខាតនាវាខ្នាតធំមួយនេះ ខណៈរឿងរ៉ាវនេះក៏កំពុងធ្វើឲ្យលោក Putin ក្ដៅស្លឹកត្រចៀកផងដែរ ។
នាវា Novocherkassk គឺជានាវាខ្នាតធំមួយគ្រឿងដែលអាចប្រើប្រាស់សម្រាប់ដឹកជញ្ជូនទាហាន ក៏ដូចជារថក្រោះ និងរថពាសដែក ខណៈការវាយប្រហារនៅតំបន់គ្រីមៀនេះទៀតសោតក៏កើតមានឡើងផងដែរ បន្ទាប់ពីរដ្ឋាភិបាលទីក្រុងកៀវបានដាក់ការសង្ស័យថា នាវានេះកំពុងដឹកជញ្ជូនយន្តហោះគ្មានមនុស្សបើក និងគ្រឿងផ្ទុះដែលផលិតដោយអ៊ីរ៉ង់ ដើម្បីផ្ដល់ឲ្យរុស្ស៊ីយកទៅប្រើប្រាស់លើសមរភូមិប្រយុទ្ធជាមួយអ៊ុយក្រែន ។
គួរបញ្ជាក់ថា រុស្ស៊ីបានដាក់បញ្ចូលតំបន់គ្រីមៀពីអ៊ុយក្រែនកាលពីឆ្នាំ ២០១៤ ខណៈរដ្ឋាភិបាលទីក្រុងកៀវចាត់ទុកចំណាត់ការនេះជាសកម្មភាពខុសច្បាប់ ហើយមិនត្រូវបានទទួលស្គាល់ជាអន្តរជាតិឡើយ ហើយចាប់តាំងពីពេលនោះមកក៏មានបាតុកម្មជាហូរហែ រហូតដល់ផ្ទុះប្រតិបត្តិការសឹករបស់រុស្ស៊ីលើអ៊ុយក្រែននៅថ្ងៃទី២៤ ខែកុម្ភៈ ឆ្នាំ២០២២ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ ខួប ២២ ខែ ៖ រុស្ស៊ី បើកការវាយប្រហារតាមអាកាសជាង ៣០ ដងនៅភាគខាងកើត អ៊ុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ