ព័ត៌មានអន្ដរជាតិ
រដ្ឋមន្ត្រីការពារជាតិថ្មីរបស់ចិន ជានរណា?
កាលពីថ្ងៃសុក្រទី២៩ខែធ្នូ ចិន បានតែងតាំងអតីតមេទ័ពជើងទឹកលោក Dong Jun ឲ្យកាន់តំណែងជារដ្ឋមន្ត្រីការពារជាតិថ្មី របស់ប្រទេស ពោលគឺបួនខែ បន្ទាប់ពីលោក Li Shangfu បាត់ស្រមោលឈឹងក្រោយត្រូវបណ្តេញចេញ។
ការតែងតាំងលោក Dong គឺកើតឡើងស្របពេលភាពតានតឹងផ្នែកយោធាបានឈានដល់កម្រិតខ្ពស់ ជាពិសេសទាក់ទងនឹងបញ្ហាកោះតៃវ៉ាន់ និងចំពេលចិន កំពុងប្រឹងប្រែងពង្រឹងសមត្ថភាពយោធា ហើយរឿងនេះ ក៏ត្រូវបានគេមើលឃើញផងដែរថា ជាផ្នែកមួយនៃយុទ្ធសាស្ត្រក្លៀវក្លា របស់ប្រធានាធិបតី Xi Jinping ក្នុងការលើកតម្កើងប្រទេសចិន ឲ្យក្លាយជាមហាអំណាចសកល។
តើលោក Dong Jun ជានរណា?
កើតនៅឆ្នាំ១៩៦១ លោក Dong បានបម្រើការជាមេបញ្ជាការរង នៃទីបញ្ជាការយោធាភូមិភាគខាងត្បូង ដែលរួមបញ្ចូលទាំងប្រតិបត្តិការនៅក្នុងសមុទ្រចិនខាងត្បូង ជាកន្លែងចិនប្រឈមមុខនឹងជម្លោះទឹកដីជាមួយប្រទេសផ្សេងទៀតរួមទាំងតៃវ៉ាន់ផងដែរ។
លោក Dong ត្រូវបានតែងតាំងជាមេបញ្ជាការកងទ័ពជើងទឹកនៅខែសីហាឆ្នាំ២០២១ ហើយក្រោយមកលោក Hu Zhongming ក៏ចូលមកជំនួសតំណែងនេះ។
លោក Dong បានក្លាយជាមេបញ្ជាការរងនៃកងនាវាចរសមុទ្រខាងកើត ដែលមានភារកិច្ចដោះស្រាយជម្លោះលើកោះតៃវ៉ាន់។ កងទ័ពជើងទឹករបស់ចិន មិនត្រឹមតែពង្រីកប្រតិបត្តិការរបស់ខ្លួនទៅកាន់តំបន់ដូចជាសមុទ្រមេឌីទែរ៉ាណេ និងអាហ្វ្រិកខាងត្បូងប៉ុណ្ណោះទេ ប៉ុន្តែថែមទាំងពង្រឹងសមត្ថភាពរបស់ខ្លួន ដោយការដាក់បញ្ចូលនាវាផ្ទុកយន្តហោះចំនួនបីគ្រឿង នាវាពិឃាដជាច្រើនគ្រឿង នាវាមុជទឹកដើរដោយថាមពលនុយក្លេអ៊ែរ ក៏ដូចជានាវាទំនើបៗផ្សេងទៀតទៅក្នុងកងនាវារបស់ខ្លួនផងដែរ។
វត្តមានរបស់លោក Dong ជារដ្ឋមន្ត្រីការពារជាតិពេលនេះ គឺកើតឡើងបន្ទាប់ពីយោធាចិននិងសហរដ្ឋអាមេរិក ជួបពិភាក្សាកម្រិតខ្ពស់ជាលើកដំបូងតាមទូរស័ព្ទក្នុងរយៈពេលជាងមួយឆ្នាំកាលពីសប្តាហ៍មុន។
ទំនាក់ទំនងរវាងប្រទេសទាំងពីរ បានធ្លាក់ចុះទាបបំផុតក្នុងឆ្នាំ២០២២ ក្រោយពេលប្រធានរដ្ឋសភាអាមេរិក លោកស្រី Nancy Pelosi ធ្វើទស្សនកិច្ចកោះតៃវ៉ាន់៕
ប្រែសម្រួល៖ Vann Vann
ប្រភព៖ Hindustan Times
ចុចអាន៖ នៅតែមិនទាន់ដឹងមូលហេតុច្បាស់ ជុំវិញការបញ្ចប់តំណែង រដ្ឋមន្ត្រីការពារជាតិចិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ