Connect with us

ព័ត៌មានអន្ដរជាតិ

លោក គីម ជុងអ៊ុន ជំរុញសាងសង់រោងចក្រថាមពលនុយក្លេអ៊ែរបន្ថែមទៀត​ដើម្បីកុំឲ្យខ្វះអគ្គិសនីប្រើប្រាស់

បានផុស

នៅ

មេដឹកនាំកូរ៉េខាងជើងលោក គីម ជុងអ៊ុន បានលើកឡើងថា លោកនឹងជំរុញបង្កើនការសាងសង់ស្ថានីយថាមពលនុយក្លេអ៊ែរបន្ថែមទៀត ដើម្បីដោះស្រាយការខ្វះខាតចរន្តអគ្គិសនីប្រើប្រាស់នៅក្នុងប្រទេស ។ នេះបើយោងតាមការចុះផ្សាយដោយកាសែត Rodong Sinmun នៅថ្ងៃទី១៧ ខែមករានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសុន្ទរកថានៅឯសភាប្រជាជនកូរ៉េខាងជើងកាលពីថ្ងៃអង្គារ លោក គីម ជុងអ៊ុន បានលើកឡើងថា ប្រសិនបើប្រទេសនេះដំណើរការស្ថានីយនុយក្លេអ៊ែរ និងរោងចក្រផលិតថាមពលផ្សេងទៀតនាពេលអនាគត នោះកូរ៉េខាងជើងមិនខ្វះអគ្គិសនីប្រើប្រាស់ និងអាចដោះស្រាយរាល់បញ្ហាកង្វះថាមពលរបស់ខ្លួនផងដែរ ។

ពាក់ព័ន្ធនឹងរឿងរ៉ាវនេះ យោងតាមទូរទស្សន៍ជប៉ុន NHK បានរាយការណ៍ផងដែរថា ប្រទេសកូរ៉េខាងជើង​កំពុង​ញាប់ដៃញាប់ជើង សាងសង់​ចង្ក្រានរ៉េអាក់ទ័រ​នុយក្លេអ៊ែរ​ពិសោធន៍ទឹកខ្នាតតូច​នៅ​កន្លែងរោងចក្រ​ផលិត​នុយក្លេអ៊ែរ​របស់ខ្លួន​ក្នុង​ទីក្រុង Nyongbyon ភាគពាយ័ព្យ​ប្រទេស ។

ទន្ទឹមនោះ អគ្គនាយកទីភ្នាក់ងារថាមពលបរមាណូអន្តរជាតិ (IAEA) លោក Rafael Grossi បាននិយាយនៅក្នុងសេចក្តីថ្លែងការណ៍មួយកាលពីខែធ្នូ ឆ្នាំ២០២៣ និងត្រូវបានចុះផ្សាយដោយទីភ្នាក់ងារព័ត៌មាន Reuters ថា កូរ៉េខាងជើងពិតជាលួចបង្ហូរទឹកក្តៅចេញពីប្រព័ន្ធទឹកត្រជាក់របស់ចង្ក្រានរ៉េអាក់ទ័រទឹកខ្នាតតូចនេះប្រាកដមែន ហើយទីភ្នាក់ងារ IAEA ក៏សូមរិះគន់ចំពោះសកម្មភាពនេះផងដែរ ។

ជាការឆ្លើយតប រដ្ឋមន្ត្រីការពារជាតិកូរ៉េខាងត្បូង លោក Shin Won-sik បានប្រាប់ទីភ្នាក់ងារព័ត៌មាន Yonhap កាលពីចុងខែធ្នូ ឆ្នាំ២០២៣ ថា ចង្ក្រានរ៉េអាក់ទ័រពិសោធន៍ទឹកខ្នាតតូចរបស់កូរ៉េខាងជើងនឹងដំណើរការពេញទីក្នុងចន្លោះខែមិថុនាដល់កញ្ញានេះ ។

ស្របពេលជាមួយគ្នានេះ បើទោះបីជាលោក គីម ជុងអ៊ុន អះអាងថា ចង្ក្រានរ៉េអាក់ទ័រខ្នាតតូច គឺសម្រាប់ផ្គត់ផ្គង់ចរន្តអគ្គិសនីក្នុងប្រទេសរបស់ខ្លួនក៏ដោយ ប៉ុន្តែប្រទេស​ពាក់ព័ន្ធសម្ដែងក្ដីភ័យ​ព្រួយ​ថា កូរ៉េខាងជើង​នឹង​កាន់តែ​មាន​សមត្ថភាព​ផលិត​ផ្លាតូនីញ៉ូម (​Plutonium) ដើម្បីប្រើប្រាស់​សម្រាប់​អាវុធ​នុយក្លេអ៊ែរ ជាពិសេសរដ្ឋាភិបាលទីក្រុងព្យុងយ៉ាង អាច​នឹង​ប្រើ​ចង្ក្រានរ៉េអាក់ទ័រ​នេះ ដើម្បី​អភិវឌ្ឍ​នាវាមុជទឹក​ដើរដោយ​ថាមពល​នុយក្លេអ៊ែរផងដែរ ៕

ដោយ ៖ សុខ ជីវ័ន្ត

ចុចអាន ៖ ហេតុអ្វី អ៊ុយក្រែន ទើបភ្ញាក់ពីដេកយកដំណោះស្រាយសន្តិភាពរបស់ ចិន ដើម្បីបញ្ចប់ភ្លើងសង្គ្រាមជាមួយ រុស្ស៊ី?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម