ព័ត៌មានអន្ដរជាតិ
ចិន ថា ការគំរាមប្រើកម្លាំងលើ តៃវ៉ាន់ មិនមែនសំដៅដល់ប្រជាជនកោះនេះឡើយ
ជំហររបស់រដ្ឋាភិបាលចិនដែលថានឹងមិនបោះបង់ចោលការប្រើប្រាស់កម្លាំងដើម្បីនាំយកតៃវ៉ាន់មកក្រោមការគ្រប់គ្រងរបស់ខ្លួន គឺសំដៅលើការជ្រៀតជ្រែកពីបរទេស និងការបំបែកខ្លួនមួយចំនួនតូចមិនមែនសំដៅដល់ប្រជាជនតៃវ៉ាន់នោះទេ ។ នេះបើយោងតាមការចុះផ្សាយដោយសារព័ត៌មាន CNA កាលពីថ្ងៃទី១៧ ខែមករាកន្លងទៅ ។
គួរបញ្ជាក់ថា ប្រជាជនតៃវ៉ាន់កាលពីថ្ងៃសៅរ៍ ទី១៣ ខែមករា បានបោះឆ្នោតជ្រើសរើសលោក Lai Ching-te របស់គណបក្សវឌ្ឍនភាពប្រជាធិបតេយ្យ (DPP) ដែលកំពុងកាន់អំណាច ធ្វើជាប្រធានាធិបតី ខណៈដែលប្រទេសចិនចាត់ទុករូបលោកជាអ្នកបំបែកខ្លួនដ៏គ្រោះថ្នាក់ ដោយសារតែអនាគតប្រធានាធិបតីរូបនេះ បានច្រានចោលការទាមទារអធិបតេយ្យភាពរបស់ទីក្រុងប៉េកាំង ។
យោងតាមការអត្ថាធិប្បាយរបស់លោក Chen Binhua អ្នកនាំពាក្យការិយាល័យចិនទទួលបន្ទុកកិច្ចការតៃវ៉ាន់បានប្រាប់សន្និសីទសារព័ត៌មាននៅទីក្រុងប៉េកាំងថា លទ្ធផលនៃការបោះឆ្នោតរបស់តៃវ៉ាន់មិនផ្លាស់ប្តូរការពិតដែលថា កោះនេះជារបស់ចិននោះទេ ហើយនៅទីបំផុតនឹងត្រូវបានបង្រួបបង្រួម ។
អ្នកនាំពាក្យរូបនេះបានលើកឡើងទៀតថា សាធារណមតិទូទៅនៅតៃវ៉ាន់ចង់បានសន្តិភាព មិនមែនសង្រ្គាមនោះទេ ប្រសិនបើគណបក្ស DPP មិនប្រែចិត្ត ហើយបន្តទៅមុខទៀតដើម្បីស្វែងរកឯករាជ្យនោះ វានឹងរុញច្រានតៃវ៉ាន់ឲ្យធ្លាក់ទៅក្នុងស្ថានភាពគ្រោះថ្នាក់ជាមិនខាន ។
ជាចុងក្រោយ រដ្ឋាភិបាលចិនបានសង្កត់ធ្ងន់ថា ខ្លួនមានឆន្ទៈផ្តល់កន្លែងសម្រាប់ការចរចារបង្រួបបង្រួមដោយសន្តិភាពជាមួយតៃវ៉ាន់ ហើយការចរចារនេះអាចកើតឡើងបាន លុះត្រាតៃវ៉ាន់ទទួលស្គាល់ភាគីទាំងពីរនៃច្រកសមុទ្រតៃវ៉ាន់ គឺជាផ្នែកនៃចិនតែមួយ ៕
អត្ថបទ ៖ ប៊ុន សុភាព
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង