ព័ត៌មានអន្ដរជាតិ
ខ្យល់ពុលគ្រោះថ្នាក់ បក់មកដល់ខេត្តថៃ ជាប់កម្ពុជា
កាសែត Bangkok Post ចុះផ្សាយកាលពីថ្ងៃចន្ទទី២២ខែមករាថា បច្ចុប្បន្ន ខ្យល់ពុលដ៏គ្រោះថ្នាក់ កំពុងវាយលុកខេត្តចំនួន៥១ក្នុងប្រទេសថៃ ហើយអ្វីដែលកាន់តែព្រួយបារម្ភនោះគឺថា ខ្យល់ពុលក៏បានបក់មកដល់ខេត្តដែលមានព្រំប្រទល់ជាប់កម្ពុជាផងដែរ។
តាមការបញ្ជាក់ពី ទីភ្នាក់ងារអភិវឌ្ឍន៍បច្ចេកវិទ្យាអវកាស និងភូមិសាស្ត្រព័ត៌មានវិទ្យាថៃ ហៅកាត់ (Gistda) បានឲ្យដឹងថា ខេត្តវាលទំនាបកណ្តាលចំនួន៥ ត្រូវបានគ្របដណ្តប់ដោយកំហាប់ភាគល្អិត PM2.5 ក្នុងកម្រិតពណ៌ក្រហមដ៏គ្រោះថ្នាក់បំផុត។
ត្បិតរាជរដ្ឋាភិបាលថៃ កំណត់កម្រិតសុវត្ថិភាពត្រឹម ៣៧.៥មីក្រូក្រាមក្នុងមួយម៉ែត្រគូបនៃខ្យល់ក៏ដោយ ប៉ុន្តែ Lop Buri គឺជាកន្លែងដែលរងគ្រោះធ្ងន់ធ្ងរបំផុត ពោលត្រឹមរយៈពេល២៤ម៉ោងចុងក្រោយ កំហាប់ភាគល្អិត PM2.5 ក្នុងខេត្តនេះ បានឈានដល់កម្រិតគ្រោះថ្នាក់ខ្លាំង ៩៣.៤ មីក្រូក្រាមក្នុងមួយម៉ែត្រគូប ។
ទន្ទឹមនោះ ខេត្តរងគ្រោះធ្ងន់ធ្ងរចំនួន៤ទៀតមានដូចជា Sing Buri, Prachin Buri, Saraburi និង Lop Buri រីឯខេត្តចំនួន៤៦ទៀត មានកម្រិតខ្យល់ពុលឈានដល់ពណ៌ទឹកក្រូច ពោលគឺចាប់ពី៤០.២ មីក្រូក្រាមក្នុងមួយម៉ែត្រគូប ដល់៧៤.៧មីក្រូក្រាមក្នុងមួយម៉ែត្រគូប។
បើនិយាយពីខេត្តថៃជាប់កម្ពុជា ដែលកំពុងរងគ្រោះដោយខ្យល់ពុលគ្រោះថ្នាក់វិញ មានដូចជា Si Sa Ket (ជាប់ខេត្តព្រះវិហារនិងឧត្តរមានជ័យ), Surin (ជាប់ខេត្តឧត្តរមានជ័យ), Chanthaburi (ជាប់ខេត្តបាត់ដំបងនិងប៉ៃលិន), Trat (ជាប់ខេត្តប៉ៃលិន បាត់ដំបង ពោធិ៍សាត់ និងកោះកុង) និង Buriram (ជាប់ខេត្តឧត្តរមានជ័យ)។
កាលពីសប្តាហ៍មុន អភិបាលក្រុងបាងកកលោក Chadchart Sittipunt ក៏បង្ខំចិត្តសម្រុះសម្រួលជាមួយបណ្តាក្រុមហ៊ុននានា ឲ្យអនុញ្ញាតដល់បុគ្គលិកប្រមាណ៥០០០០នាក់ធ្វើការពីផ្ទះ ប្រសិនបើខ្យល់ពុលក្នុងរាជធានី មិនធូរស្រាល។
សូមបញ្ជាក់ជាថ្មី PM2.5 គឺជាសារធាតុបំពុលបរិយាកាសដែលមានទាំងមីក្រូភាគល្អិតរឹង និងដំណក់ទឹកតូចៗបំផុតប្រហែល ១០ ណាណូម៉ែត្រ ទៅ ២.៥ មីក្រូម៉ែត្រ ហើយវាអាចបង្កការគំរាមកំហែងខ្លាំងបំផុតដល់រាងកាយ ជាពិសេសចំពោះអ្នកមានបញ្ហាសួត និងផ្លូវដង្ហើម៕
អត្ថបទ៖ សុខ សុវណ្ណ
ចុចអាន៖ ទីក្រុងបាងកក អនុញ្ញាតឲ្យបុគ្គលិក ៥០០០០នាក់ធ្វើការពីផ្ទះ បើខ្យល់ពុល មិនធូរស្រាល
-
ជីវិតកម្សាន្ដ៦ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ២ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៣ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៦ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានអន្ដរជាតិ១ សប្តាហ៍ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
ព័ត៌មានជាតិ៥ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានអន្ដរជាតិ៦ ថ្ងៃ ago
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien