Connect with us

សេដ្ឋកិច្ច

វិស័យឯកជនថៃអំពាវនាវឱ្យរដ្ឋការយកពន្ធលើភ្ញៀវទេសចរឡើងវិញ

បានផុស

នៅ

ទីក្រុងបាងកក៖ ប្រតិបត្តិករទេសចរណ៍ថៃកំពុងជំរុញឱ្យរដ្ឋមន្ត្រីទេសចរណ៍ថ្មី​បន្តផែនការប្រមូលថ្លៃ ៣០០បាតពីភ្ញៀវទេសចរព្រោះវាមិនត្រូវបានចាត់ទុកថាជាឧបសគ្គដល់ការមកដល់នៃពួកគេនោះទេ។​ នេះបើយោងតាមសារព័ត៌មានបាងកកប៉ុស្តិ៍។

លោក Surawat Akaraworamat អនុប្រធាន TCT បាននិយាយថា អ្នកពាក់ព័ន្ធភាគច្រើននៅក្នុងឧស្សាហកម្មនេះ ក៏ដូចជាសភាពាណិជ្ជកម្មថៃ យល់ស្របថា ការផ្តួចផ្តើមការប្រមូលកម្រៃនេះគឺមានសារៈសំខាន់ ពីព្រោះអាទិភាពនៃការអភិវឌ្ឍន៍ទេសចរណ៍មិនមានយន្តការផ្សេងទៀតដើម្បីប្រមូលមូលនិធិនោះទេ។​លោកបាននិយាយថា នាយកដ្ឋានទេសចរណ៍មានស្តង់ដារទាក់ទងនឹងទេសចរណ៍ចំនួន ៥៦ ដែលប្រតិបត្តិករទូទាំងប្រទេសគួរតែអនុវត្តដើម្បីធានាគុណភាពនៃសេវាកម្ម ប៉ុន្តែថវិកាសម្រាប់គ្រប់គ្រងស្តង់ដារទេសចរណ៍មានត្រឹមតែ ១០ លានបាតក្នុងមួយឆ្នាំ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Surawat បានថ្លែងថា៖«នាយកដ្ឋានទេសចរណ៍អាចកំណត់គោលការណ៍ណែនាំសម្រាប់ប្រភេទសេវាកម្មទេសចរណ៍នីមួយៗ ដូចជារថយន្តក្រុងទេសចរណ៍ ភោជនីយដ្ឋាន និងសកម្មភាពផ្សងព្រេង ប៉ុន្តែវាខ្វះថវិកាគ្រប់គ្រាន់ដើម្បីគ្រប់គ្រង និងធ្វើសវនកម្មប្រតិបត្តិករទាំងអស់»។

លោក Surawat បាននិយាយថា នាយករដ្ឋមន្ត្រីលោក​ Srettha Thavisin បានផ្តល់អនុសាសន៍ឱ្យផ្អាកការប្រមូលកម្រៃនេះដើម្បីទាក់ទាញ​ភ្ញៀវទេសចរ ប៉ុន្តែ TCT ជឿជាក់ថាការអនុវត្តការយកពន្ធនេះនឹងមិនប៉ះពាល់ដល់លំហូរនៃភ្ញៀវទេសចរនោះទេ។

​លោក Wuthichai Luangamornlert នាយកប្រតិបត្តិនៃ Siam Park City Group ដែលជាប្រតិបត្តិករ Siam Amazing Park បាននិយាយថា លោកយល់ស្របនឹងការប្រមូលថ្លៃសេវានេះ។​​

លោក Wuthichai បាននិយាយថា៖« ថ្លៃសេវា ៣០០ បាត ដែលមានតម្លៃត្រឹមតែ ៩-១០ ដុល្លារប៉ុណ្ណោះសម្រាប់អ្នកទេសចរ ពិតណាស់វានឹងមិនប៉ះពាល់ដល់វិស័យទេសចរណ៍នោះទេ»៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៧ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម