Connect with us

ព័ត៌មានអន្ដរជាតិ

លោក Mark Zuckerberg ក្រោកឈរសុំទោសទៅក្រុមគ្រួសារដែលមាន​កូនៗរងគ្រោះក្នុងវេទិការបស់ខ្លួន

បានផុស

នៅ

នាយកប្រតិបត្តិក្រុមហ៊ុន Meta លោក Mark Zuckerberg បានសុំទោសដល់ក្រុមគ្រួសារដែលកូនៗរបស់ពួកគេរងផលប៉ះពាល់ពាក់ព័ន្ធនឹងការរំលោភសិទ្ធិកុមារ និងការកេងប្រវ័ញ្ចផ្លូវភេទកុមារក្នុងវេទិកាប្រព័ន្ធផ្សព្វផ្សាយសង្គមរបស់ខ្លួន ក្នុងអំឡុងសវនាការដ៏ក្ដៅគគុកនៅព្រឹទ្ធសភាសហរដ្ឋអាមេរិក ។ ​នេះបើយោងតាមការចេញផ្សាយរបស់សារពត៌មាន BBC នៅថ្ងៃទី១​ ខែកុម្ភៈនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zuckerberg រួមជាមួយម្ចាស់ក្រុមហ៊ុន TikTok, Snap, X និង Discord ត្រូវបានសួរដេញដោលអស់រយៈពេលជិត ៤ ម៉ោងដោយសមាជិកព្រឹទ្ធសភាមកពីភាគីទាំងសងខាង ។ សមាជិកសភាចង់ដឹងថាតើក្រុមហ៊ុនទាំងនេះកំពុងធ្វើអ្វីខ្លះក្នុងការការពារកុមារតាមអ៊ីនធឺណិត ហើយវាក៏ជា​ឱកាស​ដ៏កម្រ​មួយ​សម្រាប់​សមាជិក​ព្រឹទ្ធសភា​អាមេរិក​ដើម្បី​សាកសួរ​​ម្ចាស់ក្រុមហ៊ុនបច្ចេកវិទ្យាធំៗទាំងនេះផងដែរ ។

លោក Zuckerberg និងនាយកប្រតិបត្តិ TikTok លោក Shou Zi Chew បានយល់ព្រមផ្តល់សក្ខីកម្មដោយស្ម័គ្រចិត្ត ប៉ុន្តែប្រធានក្រុមហ៊ុន Snap, X (អតីត Twitter) និង Discord បានបដិសេធមិនព្រមឆ្លើយឡើយ ។ ខណៈនៅអង្គុយ​ពី​ក្រោយ​ម្ចាស់ក្រុមហ៊ុនច្ចេកវិទ្យា​ទាំង​ប្រាំ​នាក់ ​មាន​គ្រួសារ​ជាច្រើនដែល​និយាយ​ថា​ កូនៗ​របស់​ពួក​គេ​បាន​ធ្វើ​បាប​ខ្លួន​ឯង ឬ​សម្លាប់​ខ្លួន​ ដោយ​សារ​តែមាតិកា​បណ្ដាញ​សង្គមទាំងនោះ ។

លោក Zuckerberg ដែលជានាយកប្រតិបត្តិនៃក្រុមហ៊ុន Meta ជាមនុស្សម្នាក់ដែលត្រូវគេតាមើលដោយយកចិត្តទុកបំផុតនៅក្នុងការផ្តល់សក្ខីកម្មនៅចំពោះមុខសភាជាលើកទី ៨ នេះ ។ ​លោកបាននិយាយអំពីបញ្ហារំលោភបំពានផ្លូវភេទលើកុមារដែលកើតមាននៅលើ Instagram ហើយបានសន្យាថានឹង “ពិនិត្យមើលដោយផ្ទាល់” ផងដែរ ។

បន្ទាប់ពីការផ្តល់សក្ខីកម្មលោក Zuckerberg ត្រូវបានសភាឲ្យនិយាយសុំទោសទៅកាន់គ្រួសារដែលអង្គុយនៅពីក្រោយគាត់ ។ ភ្លាមៗនោះមេ Meta រូបនេះបានក្រោកឈរឡើង ងាកទៅរកក្រុមគ្រួសារទាំងនោះ ហើយនិយាយសុំទោសចំពោះរឿងរ៉ាវដ៏អាក្រក់ដែលក្រុមគ្រូសារទាំងនោះបានឆ្លងកាត់ ហើយលោកបន្ថែមថា គ្មាននរណាម្នាក់គួរកើតរឿងរ៉ាវដូចដែលគ្រួសារទាំងនោះបានរងទុក្ខបែបនេះទៀតនោះទេ ។

គួរបញ្ជាក់ថា បន្ទាប់ពីសវនាការនោះរួចហើយ ឪពុកម្តាយមួយចំនួនដែលនៅក្នុងបន្ទប់បានចេញមកប្រមូលផ្តុំគ្នានៅខាងក្រៅ ដោយមានការអំពាវនាវដល់សមាជិកសភាឲ្យអនុម័តច្បាប់ជាបន្ទាន់ ដើម្បីឲ្យក្រុមហ៊ុនទាំងនេះទទួលខុសចំពោះរឿងហេតុដែលកើតឡើងស្រដៀងគ្នានេះ ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣២ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ៣៨ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម