Connect with us

ព័ត៌មានអន្ដរជាតិ

វៀតណាម ចាប់ផាកពិន័យអ្នកបញ្ជាយានយន្តល្មើសច្បាប់បានជាង ៧៧ ម៉ឺនដុល្លារ ក្នុងថ្ងៃសែនចូលឆ្នាំចិន

បានផុស

នៅ

ប្រទេសវៀតណាមកាលពីថ្ងៃសៅរ៍ទទួលបានថ្លៃផាកពិន័យពីអ្នកបើកបរល្មើសច្បាប់ចំនួន ៧៧០,៤០០ ដុល្លារអាមេរិក នៅថ្ងៃដំបូងនៃពិធីបុណ្យចូលឆ្នាំថ្មីប្រពៃណីចិន ។ នេះបើយោងតាមការចេញផ្សាយដោយទីភ្នាក់ងារព័ត៌មានវៀតណាម VNA នៅថ្ងៃទី១១ ខែកុម្ភៈនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងសន្តិសុខសាធារណៈបានឲ្យដឹងថា ក្នុងចំណោមអ្នកបញ្ជាយានយន្តសរុបចំនួន ៧,៤៦៦ នាក់ ក្នុង​នោះ​មាន ២,៨៣៥​ នាក់​ត្រូវ​ពិន័យ​ចំពោះ​ការ​បើកបរ​ក្នុង​ស្ថានភាព​ស្រវឹង ហើយ​ ១,៧២០ ​នាក់​ពិន័យ​ចំពោះ​ការ​បើកបរ​លើស​ល្បឿន​កំណត់ ។

ក្រៅពីករណីខាងលើ ក្នុងអំឡុងពេលសប្បាយរីករាយក្នុងពិធីបុណ្យចូលឆ្នាំថ្មីប្រពៃណីចិនថ្ងៃដំបូងនេះទៀតសោត ក៏បណ្ដាលឲ្យមានគ្រោះថ្នាក់ចរាចរណ៍ចំនួន ៧៨ ករណីផងដែរ ក្នុងនោះមានមនុស្សស្លាប់បាត់បង់ជីវិតចំនួន ៣៥ នាក់ ខណៈ ៦៦ នាក់ផ្សេងទៀតបានរងរបួស ។

ស្របពេលជាមួយគ្នានេះ កម្លាំង​អនុវត្ត​ច្បាប់ ក៏ដូចជាប៉ូលិសចរាចរណ៍វៀតណាម ក៏​បាន​រឹបអូស​យានយន្ត​ដែលល្មើសច្បាប់ចំនួន ២១១ គ្រឿង​ ​ក្នុង​នោះ​មាន​ម៉ូតូ​ជាង ៣,៥០០ គ្រឿង និង​ដកហូត​ប័ណ្ណ​បើកបរ​ជិត ១,៦០០ គ្រឿង ។

គួរបញ្ជាក់ថា ក្រោមច្បាប់បច្ចុប្បន្ន អ្នកបើកបរស្ថិតក្នុងស្ថានភាពស្រវឹង និងផ្ទុកជាតិអាកុលក្នុងកម្រិត ០.៤០ មិល្លីក្រាមក្នុងមួយលីត្រខ្យល់ នឹងចាប់ផាកពិន័យពី ១,២៩៣ ដុល្លារទៅ ១,៧២៤ ដុល្លារ និងព្យួរអាជ្ញាប័ណ្ណបើកបររយៈពេល ២ ឆ្នាំ ខណៈដែលអ្នកដែលបង្កគ្រោះថ្នាក់ក្នុងពេលស្រវឹងអាចប្រឈមនឹងការចោទប្រកាន់ព្រហ្មទណ្ឌផងដែរ ៕

ដោយ ៖ សុខ ជីវ័ន្ត

ចុចអាន ៖ រដ្ឋាភិបាលយោធា មីយ៉ាន់ម៉ា ចាប់ផ្ដើមកែនប្រុសស្រីចូលបម្រើទ័ព ក្រោយ កំពុងចាញ់សមរភូមិប្រយុទ្ធក្រុមទ័ពព្រៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣០ នាទី មុន

លោក Trump ៖ លោក Biden “មិនដឹងថាខ្លួនឯងនៅរស់ទេ”

ព័ត៌មានអន្ដរជាតិ២ ម៉ោង មុន

វៀតណាម ចាប់ផាកពិន័យអ្នកបញ្ជាយានយន្តល្មើសច្បាប់បានជាង ៧៧ ម៉ឺនដុល្លារ ក្នុងថ្ងៃសែនចូលឆ្នាំចិន

ព័ត៌មានអន្ដរជាតិ៣ ម៉ោង មុន

អ៊ីរ៉ង់ ព្រមាន អ៊ីស្រាអែល ធ្ងន់ៗថា បើភ្លើងសង្គ្រាមនៅហ្គាហ្សារលត់ លោក Netanyahu ក៏ដល់ទីអវសាន

ព័ត៌មានជាតិ៣ ម៉ោង មុន

អ្នកជំនាញជំរុញពលរដ្ឋឱ្យចាប់យកជំនាញវិជ្ជាជីវៈ លើវិស័យឧស្សាហកម្ម ខណៈតម្រូវការទីផ្សារការងារខ្ពស់

ព័ត៌មានអន្ដរជាតិ៥ ម៉ោង មុន

រុស្ស៊ី បិទបញ្ជីចុះឈ្មោះបោះឆ្នោតប្រធានាធិបតី បេក្ខភាពមានលោក ពូទីន និងអ្នកនយោបាយ ៣ រូបទៀត

Sokha Hotels

ព័ត៌មានពេញនិយម