អាមេរិក និងរុស្ស៊ីអាចកាត់បន្ថយឃ្លាំងអាវុធយុទ្ធសាស្ត្រត្រឹមមួយភាគបី ក្នុងកិច្ចព្រមព្រៀងនាពេលអនាគត – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អាមេរិក និងរុស្ស៊ីអាចកាត់បន្ថយឃ្លាំងអាវុធយុទ្ធសាស្ត្រត្រឹមមួយភាគបី ក្នុងកិច្ចព្រមព្រៀងនាពេលអនាគត

Published

on

លោក Howard Stoffer អតីតមន្រ្តីជាន់ខ្ពស់នៃក្រសួងការបរទេសសហរដ្ឋអាមេរិក និងជាអតីតនាយកប្រឆាំងភេរវកម្មរបស់អង្គការសហប្រជាជាតិបានប្រាប់ Sputnik ថា សហរដ្ឋអាមេរិក និងរុស្ស៊ីអាចកាត់បន្ថយឃ្លាំងអាវុធយុទ្ធសាស្ត្រររបស់ខ្លួនត្រឹមមួយភាគបី និងកំណត់អាវុធល្បឿនលឿនជាងសម្លេងរបស់ពួកគេជាផ្នែកមួយនៃកិច្ចព្រមព្រៀងត្រួតពិនិត្យអាវុធនាពេលអនាគត ។

នៅថ្ងៃទី ៣ ខែកុម្ភៈ សហរដ្ឋអាមេរិក និងប្រទេសរុស្ស៊ីបានបន្តលើសន្ធិសញ្ញាគ្រប់គ្រងអាវុធនុយក្លេអ៊ែរ (START) រយៈពេល ៥ ឆ្នាំដែលបានកំណត់ប្រទេសនីមួយៗឲ្យមានមីស៊ីល ៧០០ គ្រាប់ ក្បាលគ្រាប់ ១,៥៥០ គ្រាប់ និងជើងទម្របាញ់មីស៊ីល ៨០០ ។ វាជាកិច្ចព្រមព្រៀងចុងក្រោយដែលកំណត់អាវុធនុយក្លេអ៊ែររបស់អាមេរិក និងរុស្ស៊ី ។

លោក Stoffer ដែលបច្ចុប្បន្នជាសាស្រ្តាចារ្យរងនៃសាកលវិទ្យាល័យ New Haven បាននិយាយថា “ខ្ញុំគិតថា ការចរចានាពេលអនាគតនឹងព្យាយាមកាត់បន្ថយការកំណត់ទាំងនោះ ។ ខ្ញុំគិតថាវាអាចទៅរួចក្នុងការបន្តព្យាយាមរកវិធីដើម្បីធ្វើឲ្យកាន់តែទូលំទូលាយជាងនេះនាពេលអនាគតដើម្បីកាត់បន្ថយឃ្លាំងអាវុធត្រឹមមួយភាគបី ។ ភាគីទាំងពីរបាននិយាយក្រៅផ្លូវការអំពីបញ្ហានោះ” ។

លោក Stoffer បាននិយាយថា អាវុធល្បឿនលឿនជាងសម្លេងដែលកាត់បន្ថយពេលវេលា និងបង្កើតអស្ថិរភាពកាន់តែច្រើនគួរតែត្រូវបានដាក់បញ្ចូលក្នុងសន្ធិសញ្ញាថ្មីណាមួយ ។ ទោះយ៉ាងណាលោកបានព្រមានថា បច្ចុប្បន្នគ្មានមធ្យោបាយណាដើម្បីបញ្ជាក់ទីតាំងអាវុធនុយក្លេអ៊ែរយុទ្ធសាស្ត្រនោះទេ ។

លោកបន្តថា បញ្ហាមួយទៀតដែលទីក្រុងម៉ូស្គូ និងវ៉ាស៊ីនតោននឹងត្រូវដោះស្រាយគឺសន្ធិសញ្ញាមីស៊ីលប្រឆាំងមីស៊ីលផ្លោង (ABMs) ដែលកំពុងកើតឡើង ។

បញ្ហាមួយទៀតលោក Stoffer បានបន្ថែមថា អាមេរិកកំពុងដាក់ពង្រាយមីស៊ីលប្រឆាំងមីស៊ីលរយៈចម្ងាយឆ្ងាយនៅផ្នែកខ្លះនៃអឺរ៉ុបដើម្បីប្រឆាំងអ៊ីរ៉ង់ ។ លោកបានពន្យល់ថា វាប្រហែលជាមិនចាំបាច់ទេប្រសិនបើសហរដ្ឋអាមេរិកវិលត្រឡប់ទៅរកផែនការសកម្មភាពរួមដែលនឹងកំណត់សមត្ថភាពផលិតអាវុធនុយក្លេអ៊ែររបស់អ៊ីរ៉ង់ ។

លោក Stoffer បាននិយាយថា លោកសង្ឃឹមថាចំនួនក្បាលគ្រាប់ត្រូវបានកាត់បន្ថយរៀងរាល់ ៥ ឆ្នាំម្តង ដូច្នេះនៅឆ្នាំ ២០៥០ ឬ ២០៦០ អាវុធនុយក្លេអ៊ែរលែងជាការគំរាមកំហែងដែលអាចកើតមានទៀតហើយ ។

លោកបានគូសបញ្ជាក់ថា “សម្រាប់រឿងទាំងអស់នេះកើតឡើងគឺយើងចាំបាច់ត្រូវមានទំនាក់ទំនងល្អប្រសើររវាងសហព័ន្ធរុស្ស៊ី និងសហរដ្ឋអាមេរិក” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ីនឹងបាញ់បង្ហោះគ្រាប់រ៉ុកកែតច្រើនជាង ១០ គ្រឿងទៅគន្លងតារាវិថី នៅឆ្នាំនេះ

ចុចអាន ៖ រ៉ុកកែតវាយប្រហារមូលដ្ឋានយោធាកាន់កាប់ដោយអាមេរិកនៅ អ៊ីរ៉ាក់

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services