Connect with us

ព័ត៌មានអន្ដរជាតិ

លោក Macron នឹងស្នើទៅ រុស្ស៊ី ឲ្យមានបទឈប់បាញ់នៅ អ៊ុយក្រែន ក្នុងថ្ងៃ​ពិសេសរបស់ បារាំង

បានផុស

នៅ

លោកប្រធានាធិបតីបារាំង Emmanuel Macron បាននិយាយនៅក្នុងបទសម្ភាសន៍មួយចេញពីទីក្រុងប៉ារីស និងចាក់ផ្សាយលើកញ្ចក់ទូរទស្សន៍អ៊ុយក្រែនថា រុស្ស៊ីនឹងត្រូវស្នើសុំឲ្យពិនិត្យមើលបទឈប់បាញ់នៅប្រទេសអ៊ុយក្រែន ក្នុងអំឡុងព្រឹត្តិការណ៍កីឡាអូឡាំពិកទីក្រុងប៉ារីស ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuter កាលពីថ្ងៃទី១៧ ខែមីនាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចសម្ភាសន៍ដែលបង្ហោះលើឆានែល YouTube របស់អ្នកសារព័ត៌មានអ៊ុយក្រែន, លោក Macron បានលើកឡើងថា យើងនឹងស្នើសុំរុស្ស៊ីឲ្យមានបទឈប់បាញ់ ក្នុងអំឡុងពេលកីឡាអូឡាំពិក ហើយជនជាតិរុស្ស៊ីត្រូវតែធ្វើបែបនេះ ព្រោះនោះគឺជាអ្វីដែលត្រូវតែកើតមានឡើង ។

លោក Macron បាននិយាយជាភាសាបារាំង មុនពេលបកប្រែជាភាសាអ៊ុយក្រែនថា “បាទមែនហើយ យើងនឹងត្រូវស្នើសុំឲ្យមានបទឈប់បាញ់ ។ ​ប្រទេសជា​ម្ចាស់​ផ្ទះរៀបចំ ​គឺ​ត្រូវតែ​ដើរ​តាមការគ្រប់គ្រងរបស់​អូឡាំពិក ។ នេះ​ជា​សារ​សន្តិភាព ហើយយើងក៏​នឹង​ធ្វើ​តាម​ការ​សម្រេច​ចិត្ត​របស់​គណៈកម្មាធិការ​អូឡាំពិក​ផង​ដែរ” ។

គណៈកម្មាធិការអូឡាំពិកអន្តរជាតិ (IOC) បានចេញការថ្កោលទោសសង្គ្រាមពេញទីរបស់រុស្ស៊ីលើអ៊ុយក្រែនកាលពីខែកុម្ភៈ ឆ្នាំ ២០២២ ដោយពោលពាក្យថា រដ្ឋាភិបាលរុស្ស៊ីបានបំពានច្បាប់អូឡាំពិក នៅត្រង់ចំណុច អូឡាំពិកគឺប្រើប្រាស់ថាមពលកីឡាដើម្បីលើកកម្ពស់សន្តិភាព និងការសន្ទនា ។

ទន្ទឹមនោះ ប្រធានគណៈកម្មាធិការអូឡាំពិករុស្ស៊ី (ROC) ក៏បានលើកឡើងផងដែរថា ROC នឹងមិនធ្វើពហិការកីឡាអូឡាំពិកទីក្រុងប៉ារីសនាឆ្នាំនេះនោះទេ បើទោះបីជាមានការរឹតបន្តឹងលើអត្តពលិកដែលចេញដោយ IOC ជាការដាក់ទណ្ឌកម្មចំពោះសង្គ្រាមលុកលុយលើអ៊ុយក្រែនក៏ដោយ ។

ទោះយ៉ាងណា អភិបាលក្រុងប៉ារីសលោកស្រី Anne Hidalgo បានប្រាប់ Reuters ក្នុងបទសម្ភាសន៍មួយកាលពីថ្ងៃពុធថា លោកស្រីពេញចិត្តពេញថ្លើមដែលអត្តពលិករុស្ស៊ី និងបេឡារុសមិនមកប្រកួត ។ ម្យ៉ាងទៀតអត្តពលិករុស្ស៊ី និងបេឡារុសក៏ត្រូវបានហាមឃាត់មិនឲ្យចូលរួមប្រកួតលក្ខណៈអន្តរជាតិស្រាប់ផង ក្រោយសង្គ្រាមលុកលុយលើអ៊ុយក្រែន ខណៈបេឡារុសត្រូវសហគមន៍អន្តរជាតិចាត់ទុកជាអ្នកបើកដៃឲ្យរុស្ស៊ី ។

គួរបញ្ជាក់ថា ប្រទេសបារាំងនឹងរៀបចំព្រឹត្តិការណ៍កីឡាអូឡាំពិករដូវក្ដៅក្នុងទីក្រុងប៉ារីសនាថ្ងៃទី២៦ ខែកក្កដាដល់ថ្ងៃទី១១ ខែសីហា ឆ្នាំ២០២៤ ខណៈមានអត្តពលិកចូលរួមចន្លោះពី ៥០ ម៉ឺនទៅ ៦០ ម៉ឺននាក់លើប្រភេទវិញ្ញាសារសរុបចំនួន ៦២ ៕

ដោយ ៖ សុខ ជីវ័ន្ត

ចុចអាន ៖ លោក ពូទីន មិនបានអញ្ជើញទៅបោះឆ្នោតជ្រើសរើសប្រធានាធីបតីនៅ ការិយាល័យផ្ទាល់នោះទេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១២ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ១៧ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥៩ នាទី មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម