ព័ត៌មានអន្ដរជាតិ
ប្រជាជននៅ ឥណ្ឌូណេស៊ី-ម៉ាឡេស៊ី ពហិការមិនចូលហាង McDonald’s និង Starbucks
នៅក្នុងអំឡុងខែនៃបុណ្យរ៉ាម៉ាដាន ប្រជាជនមូស្លីមបានតមអាហារ ខណៈមនុស្សជាច្រើននៅទូទាំងទីក្រុងក្នុងខេត្តស៊ូម៉ាត្រាខាងជើង រួមទាំងនៅប្រទេសម៉ាឡេស៊ីបានធ្វើពហិការមិនចូលហាង McDonald’s និង Starbucks នោះឡើយ ។ នេះបើយោងតាមការចេញផ្សាយរបស់សារពត៌មាន Al Jazeera កាលពីថ្ងៃទី១៩ ខែមីនា ។
![](https://www.kampucheathmey.com/wp-content/uploads/2024/03/Starbuck.jpg)
យោងតាមប្រជាជនឥណ្ឌូណេស៊ី និងម៉ាឡេស៊ី និយាយថា វាមិនមែនជាការធ្វើពហិការទាំងស្រុងនោះទេ តែជាអារម្មណ៍នៃការមិនសប្បាយចិត្តយ៉ាងខ្លាំងជាមួយអ៊ីស្រាអែល ដោយសារតែប្រជាជនមូស្លីមត្រូវបានអ៊ីស្រាអែលសម្លាប់ជារៀងរាល់ ដូចនេះពួកគេមិនប្រើផលិតផលដែលមានទំនាក់ទំនងជាមួយនឹងអ៊ីស្រាអែលនោះទេ ។
ខណៈនៅទូទាំងអាស៊ីអាគ្នេយ៍ ការអំពាវនាវឲ្យធ្វើពហិការមិនប្រើប្រាស់ផលិតផលដែលមានទំនាក់ទំនងជាមួយប្រទេសអ៊ីស្រាអែលកំពុងមានផលប៉ះពាល់គួរឲ្យកត់សម្គាល់ចំពោះម៉ាកយីហោសំខាន់ៗ បន្ទាប់ពី McDonald’s Israel ប្រកាសនៅលើប្រព័ន្ធផ្សព្វផ្សាយសង្គមថាបានបរិច្ចាគអាហាររាប់ពាន់មុខដោយឥតគិតថ្លៃដល់យោធាអ៊ីស្រាអែល ចំពេលមានសង្រ្គាមនៅហ្គាហ្សា ។
![](https://www.kampucheathmey.com/wp-content/uploads/2024/03/boycott-mcd-aug10.jpg)
នៅក្នុងខែកុម្ភៈ McDonald’s បាននិយាយថា សង្រ្គាមគឺជាផ្នែកមួយដែលទាញឲ្យការលក់ជាអន្តរជាតិកើនឡើងត្រឹមតែ ០.៧ ភាគរយក្នុងអំឡុងត្រីមាសទី៤ ឆ្នាំ២០២៣ ដែលធ្លាក់ចុះយ៉ាងខ្លាំងដល់ ១៦.៥ ភាគរយក្នុងអំឡុងពេលដូចគ្នាកាលពីឆ្នាំមុន ។
បើទោះបីម្ចាស់សិទ្ធិផ្តាច់មុខរបស់ McDonald’s នៅក្នុងប្រទេសជាច្រើនដែលកាន់សាសនាឥស្លាម រួមទាំងអារ៉ាប៊ីសាអូឌីត អូម៉ង់ គុយវ៉ែត និងអារ៉ាប់រួម បានបង្ហាញការគាំទ្រដល់ប្រជាជនប៉ាឡេស្ទីន និងបានសន្យាផ្តល់ប្រាក់ដើម្បីជួយដល់កិច្ចខិតខំប្រឹងប្រែងសង្គ្រោះនៅតំបន់ហ្គាហ្សាក៏ដោយ ក៏ម៉ាកយីហោទាំងនោះកំពុងរងរងផលប៉ះពាល់យ៉ាងខ្លាំង ។
![](https://www.kampucheathmey.com/wp-content/uploads/2024/03/boycott-mcdo.jpg)
ម៉ាកយីហោផ្សេងទៀតដែលរងផលប៉ះពាល់ដោយការធ្វើពហិការក៏មាន ហាងកាហ្វេ Starbucks ផងដែរ ដោយសាខានៅក្នុងទីក្រុង Medan នៃប្រទេសឥណ្ឌូណេស៊ី ក្នុងអំឡុងខែរ៉ាម៉ាដានមានការធ្លាក់ចុះជាងឆ្នាំមុន បើទោះបីជាការផ្សព្វផ្សាយផ្តល់ជូនភេសជ្ជៈដោយឥតគិតថ្លៃសម្រាប់ថ្ងៃបុណ្យរ៉ាម៉ាដានក៏ដោយ ។
ចំំណែកនៅប្រទេសម៉ាឡេស៊ី ក្រុមហ៊ុនលក់សិទ្ធិផ្តាច់មុខរបស់ Starbucks Berjaya Food ក៏បានរាយការណ៍ពីការធ្លាក់ចុះនៃប្រាក់ចំណូល ៣៨.២ ភាគរយនៅក្នុងត្រីមាសទី៤ នៃឆ្នាំ ២០២៣ ផងដែរ និងបានអំពាវនាវឲ្យបញ្ចប់ការធ្វើពហិការនេះ ដោយនិយាយថា Starbucks Malaysia ជាកម្មសិទ្ធិ និងបុគ្គលិកជាជនជាតិម៉ាឡេស៊ី ហើយ បុគ្គលិកពី ៨០ ទៅ ៨៥ ភាគរយគឺជាអ្នកកាន់សាសនាឥស្លាម ។
គួរបញ្ជាក់ថា ថ្វីបើម៉ាកយីហោទាំងនេះមិនត្រូវបានគេកំណត់គោលដៅលើទំនាក់ទំនងជាមួយអ៊ីស្រាអែលក៏ដោយ ក៏ក្រុមហ៊ុនទាំងនេះនៅតែទទួលរងផលប៉ះពាល់នៅក្នុងករណីជាច្រើន ទោះមានទំនាក់ទំនងតិចតួចក្ដីជាមួយប្រទេសអ៊ីស្រាអែលក៏ដោយ ៕
![](https://www.kampucheathmey.com/wp-content/uploads/2024/03/20240315_123540-1710901363.webp)
អត្ថបទ ៖ ប៊ុន សុភាព
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព