Connect with us

ព័ត៌មានអន្ដរជាតិ

UN តែងតាំងអតីតរដ្ឋមន្ត្រីការបរទេស អូស្ត្រាលី ជាបេសកជនពិសេសទទួល​បន្ទុកនៅ មីយ៉ាន់ម៉ា

បានផុស

នៅ

ប្រមុខអង្គការសហប្រជាជាតិ (UN) លោក Antonio Guterres បានប្រកាសតែងតាំងអតីតរដ្ឋមន្ត្រីការបរទេសអូស្ត្រាលីគឺលោកស្រី Julie Bishop ជាបេសកជនពិសេសទទួលបន្ទុកកិច្ចការនៅមីយ៉ាន់ម៉ា ស្របពេលដែលស្ថានភាពវឹកវរនៅក្នុងប្រទេសមួយនេះក៏មិនទាន់មានសញ្ញាផុតរលត់នោះដែរ ។ នេះបើយោងតាមការចេញផ្សាយដោយសារព័ត៌មាន The Irrawaddy កាលពីថ្ងៃទី៧ ខែមេសាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Julie Bishop ដែលធ្លាប់កាន់តំណែងជារដ្ឋមន្ត្រីការបរទេសអូស្រ្តាលីពីឆ្នាំ ២០១៣ ដល់ឆ្នាំ ២០១៨ នឹងអញ្ជើញចូលកាន់មុខតំណែងមួយនេះជំនួសលោកស្រី Noeleen Heyzer ដែលលាលែងពីតំណែងកាលពីខែមិថុនា ឆ្នាំ ២០២៣ ក្រោយអង្គុយកៅអីមួយនេះបានត្រឹម ២០ ខែប៉ុណ្ណោះ ដោយសារតែមានបញ្ហាផ្ទៃក្នុងជាមួយប្រព័ន្ធអង្គការសហប្រជាជាតិ ។

មុនឡើងកាន់ការជារដ្ឋមន្ត្រីការបរទេសអូស្ត្រាលី លោកស្រី Julie Bishop ធ្លាប់អង្គុយកៅអីជារដ្ឋមន្ត្រីក្រសួងអប់រំ វិទ្យាសាស្ត្រ និងបណ្ដុះបណ្ដាលវិជ្ជាជីវៈ ហើយជាសមាជិកសភាអូស្ត្រាលីអស់រយៈពេល ២០ ឆ្នាំផងដែរ ខណៈក្នុងមុខតំណែងជាបេសកជនពិសេសប្រចាំនៅមីយ៉ាន់ម៉ានេះវិញ លោកស្រីនឹងធ្វើការជាមួយសមាគមប្រជាជាតិអាស៊ីអាគ្នេយ៍ និងអ្នកពាក់ព័ន្ធទាំងអស់ដើម្បីរកផ្លូវឆ្ពោះទៅរកដំណោះស្រាយនយោបាយ ក៏ដូចជាសុខសន្តិភាពក្រោមការដឹកនាំដោយរដ្ឋាភិបាលយោធាមីយ៉ាន់ម៉ា ។

ទន្ទឹមនោះ ការតែងតាំងលោកស្រី Julie Bishop នេះទៀតសោត ក៏ដោយសារតែលោកស្រីមានបទពិសោធន៍ក្រាស់ក្រែលក្នុងទំនាក់ទំនងអន្តរជាតិ ស្របពេលដែលមីយ៉ាន់ម៉ាធ្លាក់ចូលក្នុងរណ្ដៅនៃវិបត្តិសង្គ្រាមស៊ីវិល ចាប់តាំងពីកងទ័ពធ្វើរដ្ឋប្រហារដណ្តើមអំណាចពីរដ្ឋាភិបាលជាប់ឆ្នោតរបស់លោកស្រី អ៊ុងសាន ស៊ូជី កាលពីថ្ងៃទី១ ខែកុម្ភៈ ឆ្នាំ២០២១ ហើយចាប់ពីឡើងកាន់អំណាចមក រដ្ឋាភិបាលយោធាបាននិងកំពុងប្រឈមបញ្ហាដ៏ធំបំផុត ពោលគឺកំពុងព្យាយាមតស៊ូប្រយុទ្ធនៅសមរភូមិជួរមុខជាច្រើនដើម្បីទប់ទល់នឹងការបះបោរពីសំណាក់សម្ព័ន្ធក្រុមប្រដាប់អាវុធជនជាតិភាគតិចនៅក្នុងប្រទេស ។

គួរបញ្ជាក់ថា យោងតាមរបាយការណ៍ពី UN មនុស្សជាង ១,៥០០ នាក់ស្លាប់បាត់បង់ជីវិត ចាប់តាំងពីរដ្ឋប្រហារយោធា និងការបង្ក្រាបដោយហិង្សាលើអ្នកគាំទ្រលទ្ធិប្រជាធិបតេយ្យក្នុងរយៈពេល ៣ ឆ្នាំមកនេះ ។ ក្នុងនោះមនុស្សជិត ២៦,000 នាក់ត្រូវបានចាប់ឃុំខ្លួនដោយហេតុផលនយោបាយ និងជិត ២០,០០០ នាក់រងការធ្វើទារុណកម្ម និងការរំលោភបំពាននៅក្នុងមន្ទីរឃុំឃាំង ៕

ដោយ ៖ សុខ ជីវ័ន្ត

ចុចអាន ៖ ៦ ខែនៃភ្លើងសង្គ្រាម អ៊ីស្រាអែល-ហាម៉ាស នៅតែមិនទាន់មានទឹកត្រជាក់មក​ពន្លត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង១១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៦ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៥ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

វប្បធម៌ ជំនឿ១៨ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

Sokha Hotels

ព័ត៌មានពេញនិយម