ព័ត៌មានអន្ដរជាតិ

ឥណ្ឌូណេស៊ី រំពឹងកើបចំណូលជាង ២៤ លានដុល្លារពីពិព័រណ៍យានយន្តអគ្គិសនី

បានផុស

៥ ខែ មុន

នៅ

ថ្ងៃអង្គារ ២៣ មេសា ២០២៤

ដោយ

៤០០ ពាន់លានរូពី ស្មើនឹងប្រមាណជា ២៤.៦ លានដុល្លារគឺជាតួលេខរំពឹងទុកខ្ពស់ដែលឥណ្ឌូណេស៊ីសង្ឃឹមថាអាចទាញចេញពីការតាំងពិព័រណ៍យានយន្តអគ្គិសនី “Periklindo Electric Vehicle Show” ឆ្នាំ ២០២៤ ។ ពិព័រណ៍នេះនឹងប្រព្រឹត្តទៅចាប់ពីថ្ងៃទី៣០ ខែមេសា ដល់ថ្ងៃទី៥ ខែឧសភានៅក្នុងទីក្រុងហ្សាការតា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Moeldoko ប្រធានសមាគមឧស្សាហកម្មយានយន្តអគ្គិសនីឥណ្ឌូណេស៊ី បានលើកឡើងថា ការរំពឹងទុកចំណូលច្រើនបែបនេះ ក៏ដោយសារតែឥណ្ឌូណេស៊ីបានផ្ដល់នូវជម្រើសដ៏សម្បូរបែបជាមួយម៉ូដែលយានយន្តថ្មីៗច្រើនជាងឆ្នាំមុន ។

ប្រធានសមាគមរូបនេះបានបញ្ជាក់ដែរថា ពិព័រណ៍ឧស្សាហកម្មឆ្នាំ២០២៤ នឹងមានការតាំងបង្ហាញពីក្រុមហ៊ុនមកពីច្រើនប្រទេសចូលរួមចំនួន ៨២ ដោយមានទាំងរថយន្តអគ្គិសនី និងម៉ូតូអគ្គិសនី។ លោក Moeldoko បានរៀបរាប់បន្ថែមថា “ពិព័រណ៍នេះ នឹងពង្រីកចំណេះដឹងទាក់ទិននឹងយានយន្តអគ្គិសនី ព្រមទាំងបន្ថយគម្លាតរវាងការយល់ដឹងរបស់សាធារណៈចំពោះបច្ចេកវិទ្យា” ។

សូមបញ្ជាក់ថា ឥណ្ឌូណេស៊ី កំពុងជំរុញការប្រើប្រាស់យានយន្តអគ្គិសនី (EV) ដើម្បីជាចំណែកចូលរួមកែប្រែប្រទេសឲ្យសម្បូរទៅដោយដំណើរការដើរដោយថាមពលស្អាតជាងមុន ៕