Connect with us

ព័ត៌មានអន្ដរជាតិ

រុស្ស៊ី-អាមេរិក តឹងសរសៃ ក ដាក់គ្នានៅ UN ជុំវិញរឿងអាវុធនុយក្លេអ៊ែរក្នុង​លំហអាកាស

បានផុស

នៅ

ប្រទេសរុស្ស៊ីកាលពីថ្ងៃពុធបានតឹងសរសៃ ក ដាក់គ្នាជាមួយនឹងសហរដ្ឋអាមេរិក បន្ទាប់ពីទីក្រុងមូស្គូបានបោះឆ្នោតវេតូលើសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិដែលព្រាងចេញដោយទីក្រុងវ៉ាស៊ីនតោនពាក់ព័ន្ធទៅនឹងការអំពាវនាវឲ្យប្រទេសនានាទប់ស្កាត់ការប្រកួតប្រជែងអាវុធនុយក្លេអ៊ែរនៅក្នុងលំហអាកាស ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី២៤ ខែមេសាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបោះឆ្នោតវេតូនេះបានកើតមានឡើង បន្ទាប់ពីសហរដ្ឋអាមេរិកបានចោទប្រកាន់ចំៗទៅរុស្ស៊ីថាកំពុងបង្កើតអាវុធនុយក្លេអ៊ែរបាញ់ទៅលំហដើម្បីប្រឆាំងគោលដៅផ្កាយរណបរបស់ខ្លួន ជាពិសេសទីក្រុងវ៉ាស៊ីនតោនចាត់ទុកទង្វើរបស់ទីក្រុងមូស្គូថាកំពុងលាក់បាំងអ្វីម្យ៉ាង បើទោះបីជាលោកប្រធានាធិបតី Vladimir Putin តែងតែចេញមុខប្រឆាំងនឹងការដាក់ពង្រាយអាវុធប្រភេទនេះនៅលំហអាកាសក្នុងគោលបំណងសន្តិភាពក៏ដោយ ។

ឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិលោកស្រី Linda Thomas-Greenfield បានប្រាប់ក្រុមប្រឹក្សា បន្ទាប់ពីការបោះឆ្នោតនោះថា “តើការវេតូនៅថ្ងៃនេះមានន័យយ៉ាងណា? ប្រសិនបើអ្នកកំពុងអនុវត្តតាមច្បាប់ តើហេតុអ្វីបានជាអ្នកមិនគាំទ្រដំណោះស្រាយដែលយើងដាក់ចេញមកនេះ? តើអ្នកមានរឿងអ្វីលាក់បាំង វាជារឿងរញ៉េរញ៉ៃ និងគួរឲ្យអាម៉ាស់” ។

លោកស្រី Linda Thomas-Greenfield

ទោះយ៉ាងណា ឯកអគ្គរដ្ឋទូតរុស្ស៊ីរបស់អង្គការសហប្រជាជាតិលោក Vassily Nebenzia មិននៅស្ងៀមឡើយ ហើយបានដាក់ចោទប្រកាន់ទៅទីក្រុងវ៉ាស៊ីនតោនវិញថា ព្យាយាមបង្កហេតុដល់ទីក្រុងមូស្គូឲ្យមានសភាពអាប់អួរ ជាពិសេសរុស្ស៊ីនឹងចាប់ផ្តើមការចរចាក្នុងពេលឆាប់ៗនេះជាមួយសមាជិកក្រុមប្រឹក្សាលើសេចក្តីព្រាងសម្រេចរបស់ខ្លួនក្នុងគោលបំណងរក្សាសន្តិភាពក្នុងលំហអវកាស ។

ពាក់ព័ន្ធនឹងបញ្ហានេះទៀតសោត លោក Nebenzia បានចោទសួរទៅលោកស្រី Thomas-Greenfield នៅក្នុងក្រុមប្រឹក្សានោះថា “យើងចង់បានការហាមប្រាមលើការដាក់អាវុធគ្រប់ប្រភេទនៅក្នុងទីអវកាស មិនត្រឹមតែអាវុធប្រល័យលោកប៉ុណ្ណោះទេ ប៉ុន្តែអ្នកបែរជាមិនចង់បានបែបនេះនោះទេ អ៊ីចឹងខ្ញុំសូមសួរទៅអ្នកវិញនូវសំណួរដូចគ្នានេះថា ហេតុអ្វី?” ។

លោក Vassily Nebenzia

គួរបញ្ជាក់ថា សេចក្តីព្រាងនេះត្រូវបានដាក់ដំណើរការឲ្យបោះឆ្នោតដោយសហរដ្ឋអាមេរិក និងជប៉ុន បន្ទាប់ពីកិច្ចចរចាអស់រយៈពេលជិត ៦ មួយសប្តាហ៍ ហើយក្នុងសេចក្ដីសម្រេចនោះទៀតសោត ទទួលបានសំឡេងគាំទ្រចំនួន ១៣ ក្នុងនោះចិនបានបោះឆ្នោតអនុបវាទ និងរុស្ស៊ីខ្លួនឯងបោះឆ្នោតវេតូ ខណៈអាមេរិក ចិន និងរុស្ស៊ី គឺសុទ្ធសឹងតែជាប្រទេសហត្ថលេខីនៃសន្ធិសញ្ញាអវកាសឆ្នាំ ១៩៦៧ ដែលហាមឃាត់ប្រទេសណាមួយពីការបញ្ជូនវត្ថុមានផ្ទុកអាវុធនុយក្លេអ៊ែរ ឬប្រភេទអាវុធប្រល័យលោកចូលទៅក្នុងគន្លងអវកាស ៕

ដោយ ៖ សុខ ជីវ័ន្ត

ចុចអាន ៖ អាមេរិក ភ័យព្រួយពីទង្វើបង្កហេតុរបស់ ចិន នៅឥណ្ឌូប៉ាស៊ីហ្វិក តែក្រុង ប៉េកាំងថា ដោយសារអាមេរិកខ្លួនឯងមុនទេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៥ ម៉ោង មុន

សមត្ថកិច្ច​ឃាត់​បុរស​ម្នាក់ ពាក់ព័ន្ធ​ករណី​យក​ពូថៅ​វាយ​​អតីត​ប្រពន្ធ និង​អតីត​ម្ដាយក្មេក នៅ​ស្រុក​កងមាស

ព័ត៌មានជាតិ៦ ម៉ោង មុន

ក្រសួង​ការងារ និង​ ក្រសួង​ប្រៃសណីយ៍ ចុះ​អនុស្សរណៈ​កិច្ច​សហប្រតិបត្តិការ​ដាក់​ឱ្យ​ប្រើ​ថ្នាល​ផ្ទៀងផ្ទាត់​ឯកសារ (verify.gov.kh) និង​ជំរុញ​ការ​ធ្វើ​បរិវត្ត​កម្ម​ឌីជីថល

ព័ត៌មានជាតិ៦ ម៉ោង មុន

លោក ឧកញ៉ា អ៊ឹង វណ្ណ​ម៉ៅ ក្លាយជា​ប្រធាន សភាពាណិជ្ជកម្ម​ខេត្តបន្ទាយមានជ័យ​ អាណត្តិ​ទី៣ លើក​ទី​១ ក្រោយពី​មានការ​បោះឆ្នោត​ពេញ​១​ថ្ងៃ

ព័ត៌មានជាតិ៦ ម៉ោង មុន

របាយការណ៍របស់សហជីព និងអង្គការសង្គមស៊ីវិលឯករាជ្យ ត្រូវតែមានលក្ខណៈវិទ្យាសាស្ត្រ មិនលំអៀង និងមានភាពជាតំណាងគ្រប់គ្រាន់

ព័ត៌មានជាតិ៦ ម៉ោង មុន

លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ

សន្តិសុខសង្គម១៨ ម៉ោង មុន

អ្នកឧកញ៉ា ជា រតនា គាំទ្រការរិះគន់លើបុគ្គលជាឧកញ៉ាប្រព្រឹត្តខុសច្បាប់តែស្នើកុំរិះគន់ទៅលើគោរមងារ

សន្តិសុខសង្គម៩ ម៉ោង មុន

ព័ត៌មានបឋម! ជនមិនស្គាល់មុខចាក់សម្លាប់​យុវជនម្នាក់នៅផ្ទះជួលជាន់ទី៣

ព័ត៌មានអន្ដរជាតិ១៩ ម៉ោង មុន

ការវាយប្រហារភេរវកម្មបណ្តាក់គ្នាដ៏រន្ធត់នៅរុស្ស៊ី ផ្តាច់ជីវិតមនុស្សរាប់សិបនាក់

ព័ត៌មានជាតិ៦ ម៉ោង មុន

លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ

ព័ត៌មានអន្ដរជាតិ១៨ ម៉ោង មុន

ធម្មយាត្រា Hajj ក្រោមកម្តៅថ្ងៃជិត ៥២អង្សា, មនុស្សស្លាប់កើនដល់ជាង ១ ៣០០នាក់

Sokha Hotels

ព័ត៌មានពេញនិយម